Salmo 103:3 - Papiamentu Bible 2013

³ E ta pordoná bo tur bo kulpa i ta kura bo di tur bo dolónan.

Beibel na Papiamentu Koriente 2013

³ E ta pordoná bo tur bo kulpa i ta kura bo di tur bo dolónan.

Salmo 103:3 Referans Kwoze

Éksodo 15:26

El a bisa: ‘Si boso skucha bon loke Ami, SEÑOR, boso Dios, bisa i hasi loke Mi pidi, si boso atené boso na mi mandamentunan i mi leinan, lo Mi spar boso di e enfermedatnan ku Mi a kastigá e egipsionan kuné. Ami ta SEÑOR, Ami t'Esun ku ta kura boso.’

Isaías 53:5

Pero nan a bor'é pa motibu di nos rebeldia, plèch'é pa motibu di nos piká; kastigu k'el a pasa a trese pas pa nos; danki na su yaganan nos a haña kura

Salmo 30:2

SEÑOR, mi Dios, den mi ansha mi a sklama na Bo, anto Bo a kura mi.

Yeremías 17:14

Kura mi, SEÑOR, i lo mi bolbe bira bon; salba mi, i lo mi sinti mi sigur atrobe. T'Abo so mi ta alabá!

Salmo 147:3

E ta kura esnan kibrá di kurason, e ta mara tur nan heridanan.

Hakobo 5:15

I e petishon ei, hasí ku fe, ta kura e hende malu; Señor ta lant'é i si el a hasi piká, Señor lo pordon'é.

Isaías 43:25

Mi no debe bo nada, pero sinembargo Mi ta pordoná bo rebeldia, pasobra t'asina Mi ta, Mi no ta keda pensa riba bo pikánan.

Marko 2:5

Ora Hesus a mira nan fe den djE, El a bisa e hòmber lam: ‘Mi yu, bo pikánan ta pordoná.’

Numbernan 12:13

Moises a grita bisa SEÑOR: ‘Ai SEÑOR, lag'é bira bon atrobe!’

Salmo 130:8

Sí, t'E lo pordoná Israel tur su pikánan.

Efesionan 1:7

Nos ta librá, pasobra Kristu a drama su sanger pa nos, i E ta pordoná nos aktonan di desobediensia, danki na su grasia inmenso.

2 Samuel 12:13

E ora ei David a bisa Natan: ‘Mi a peka kontra SEÑOR.’ Natan a bisa David: ‘SEÑOR di su parti a pordoná bo piká; bo no ta muri,

Isaías 33:24

E ora ei niun habitante di Sion lo n' bisa mas: ‘Mi ta sinti malu’; e pueblo ku ta biba ei lo haña pordon di su piká.

Éksodo 34:7

Mi ta bondadoso te den di mil generashon i Mi ta pordoná maldat, rebeldia i piká. Mi no ta keda sin kastigá esnan kulpabel; Mi ta kastigá nan, nan yunan, ñetunan i bisañetunan.’

Salmo 41:8

‘Un malesa mortal a kohe su kurpa, drumí na kama asina e no ta lanta mas.’

Salmo 86:5

Bo ta bon, Señor, i kla pa pordoná, yen di klemensia pa esnan ku ta invoká Bo.

Salmo 130:4

Serka Bo nos por haña pordon, pa nos siña respetá Bo.

Isaías 38:17

Sigur, mi sufrimentu tan amargo tabata pa mi mes bon. Bo a rondoná mi ku bo amor tierno, salba mi for di graf i tira tur mi pikánan tra'i bo lomba.