Romanonan 7:24 - Papiamentu Bible 2013

²⁴ Esta un hende mizerabel mi ta! Ken lo libra mi di e poder di morto ku ta obra den mi kurpa?

Beibel na Papiamentu Koriente 2013

²⁴ Esta un hende mizerabel mi ta! Ken lo libra mi di e poder di morto ku ta obra den mi kurpa?

Romanonan 7:24 Referans Kwoze

Romanonan 6:6

Nos sa ku e hende ku nos tabata ántes a keda krusifiká huntu ku Kristu, pa kibra forsa di deseo pa hasi piká i pa nos no ta katibu di piká mas.

2 Timoteo 4:18

Dios lo libra mi di tur atake malbado i hiba mi su reino selestial sano i salvo. Gloria n'E den tur eternidat! Amèn.

Tito 2:14

Ta Hesu-Kristu a entregá su bida pa nos pa por libra nos di tur maldat i purifiká nos, di manera ku nos por bira su mes pueblo, zeloso pa hasi bon obra.

Romanonan 8:2

Pasobra e lei di Spiritu ku ta duna bida den Kristu-Hesus, a libra bo di e lei di piká i morto.

Salmo 102:20

pa E tende kehamentu di hende na kadena, pa libra hende destiná pa muri;

Revelashon 21:4

Lo E seka tur lágrima for di nan wowo, i morto lo no eksistí mas: lo no tin nada di rou, nada di yoramentu, nada di doló mas, pasobra tur kos di ántes a pasa bai.’

Hebreonan 2:15

Asina El a liberá esnan, ku pa miedu di morto a biba henter nan bida manera katibu.

Romanonan 8:26

Di e mesun manera Spiritu Santu ta bin yuda nos den nos debilidat, pasobra nos no sa kiko ta e kosnan ku nos mester resa p'e, manera debe ser. Pero Spiritu Santu mes ta intersedé pa nos ku suspiro, ku palabra no por ekspresá.

Romanonan 8:13

Pasobra si boso biba segun boso mal deseonan, sigur sigur boso lo muri, pero si, pa medio di Spiritu Santu, boso pone un fin na e práktikanan di maldat, boso lo biba!

Lukas 4:18

‘Spiritu di Señor ta riba Mi, p'esei El a ungi Mi pa anunsiá e bon notisia na pobernan. El a manda Mi proklamá libertat pa prezunan; bista pa siegunan; i pa esnan oprimí, libertat.

Salmo 72:12

Lo e yuda un pober ku ta pidi, un mizerabel ku ta sin protekshon.

Kolosensenan 2:11

Den union ku Kristu boso a keda sirkunsidá, no na man di hende, pero pa medio di Kristu ku a kita boso naturalesa pekaminoso for di boso.

Mateo 5:6

Felis esnan ku hamber i set pa hustisia; Dios lo satisfasé nan.

Mikéas 7:19

Bo ta tene piedat di nos atrobe, kita tur nos falta i tira nos pikánan den fondo di laman.

Salmo 119:20

Mi alma ta muri di anhelo pa bo dekretonan, tur ora.

Salmo 71:11

i ta bisa: ‘Dios a bandon'é, ban kore su tras koh'é, e no tin hende pa salb'é!’

Salmo 6:6

Mi ta agotá di keha tantu, tur anochi mi ta yora riba kama, mi ta muha mi kusinchi ku lágrima.

1 Reinan 8:38

òf pa kualke motibu un hende ku ta pertenesé na bo pueblo Israel bin resa pidi Bo i, konsiente di e desgrasia ku a tok'é, alsa su mannan den direkshon di e tèmpel akí,

Mateo 5:4

Felis esnan ku ta tristu; Dios lo konsolá nan.

Ezekiel 9:4

El a duna e òrdu akí: ‘Pasa dor di siudat Herusalèm. Marka un señal riba frenta di tur hende ku ta suspirá i keha, pasobra nan ta keha pa motibu di tur e práktikanan repugnante di e siudat akí.’

Salmo 119:176

Mi sa dualu — un karné ku a pèrdè — : buska bo sirbiente. Nò, mi no a lubidá bo mandamentunan.

Salmo 119:143

M'a haña mi anshá i den pèrtá, pero m'a gosa bo mandatonan.

Salmo 119:131

Mi ta habri mi boka hanchu, golos pa bo mandatonan.

Salmo 88:5

Mi paradero ta denter di morto, manera esnan ku a muri den bataya i kende, drumí den nan graf, Bo a lubidá kompletamente: nan ta ranká for di bo man.

Salmo 38:2

Bo flechanan a pega den mi kurpa, bo man a kai pisá riba mi.

Romanonan 8:23

No ta kreashon so ta keha, pero nos tambe, ounke ya nos tin Spiritu Santu komo promé fruta di e kosecha benidero. Nos mes tambe ta keha intensamente i nos ta anhelá pa Dios adoptá nos komo su yu, pa di e manera ei nos kurpa keda kompletamente librá.