Romanonan 4:15 - Papiamentu Bible 2013

¹⁵ Lei ta trese kastigu, pero kaminda no tin Lei, hende no por faya kuné tampoko!

Beibel na Papiamentu Koriente 2013

¹⁵ Lei ta trese kastigu, pero kaminda no tin Lei, hende no por faya kuné tampoko!

Romanonan 4:15 Referans Kwoze

Romanonan 5:13

Promé ku Lei di Moises ya tabatin piká den mundu, pero no por a tuma piká legalmente na kuenta sin Lei.

Galatanan 3:10

Pasobra tur esnan ku ta konfia riba Lei di Moises pa haña salbashon ta maldishoná, ya ku Skritura ta bisa: ‘Maldishoná ta esun ku no ta kumpli fielmente ku tur loke ta den buki di Lei.’

1 Korintionan 15:56

Piká ta e bion ku ta duna Morto forsa pa mata i Lei ta duna piká forsa!

Galatanan 3:19

Pakiko Lei di Moises ta sirbi antó? El a bini pa hasi hende su desobediensia na Dios evidente; e tabata na vigor te ora esun ‘desendiente’ pa kende e promesa tabata destiná, a bini. Dios a duna Lei pa medio di angel i Moises a sirbi komo mediadó entre Dios i e pueblo.

Huan 3:36

Esun ku ta kere den e Yu, tin bida eterno; esun ku desobedesé e Yu, lo no tin bida eterno, pero ta keda sufri kastigu di Dios.

1 Huan 3:4

Ken ku sigui den piká ta promové anarkia, pasobra piká ta rebeldia kontra Dios.

Efesionan 5:6

No laga niun hende ku bini ku palabra sokete, gaña boso. Pasobra ta eksaktamente pa motibu di e tipo di kos ei mes, Dios lo kastigá e hendenan ku no ke tende di djE.

Huan 15:22

Si Mi no a bin papia ku nan, nan lo no tabata kulpabel di piká. Awor nan no tin niun eksküs pa nan piká.

Sofonías 1:18

Riba e dia di SEÑOR su furia ni nan oro i plata no por skapa nan. E ora ei kandela di su furia lo kome henter mundu. Sí, esta teribel lo ta, ora ku definitivamente E kaba ku tur habitante di mundu!

Ezekiel 7:19

Nan ta tira nan plata riba kaya, nan oro ta yena nan ku repudio. Ni plata ni oro no por skapa nan riba e dia ku Ami, SEÑOR, baha mi ira riba nan. Nan no por mata nan hamber ku nan ni yena nan barika ku nan. Oro i plata a laga nan kai den piká, tabata kousa di nan mal komportashon.

Kolosensenan 3:6

Pa motibu di kos asina Dios ta rabia i kastigá esnan ku no ta obedes'É.

Romanonan 1:17

Pues e bon notisia ta mustra nos kon Dios ta aseptá hende komo hustu. Esei ta kuminsá ku fe i ta sigui ku fe, manera Skritura ta bisa: ‘E hende ku Dios a hasi hustu den su bista, pa medio di fe, lo biba.’

Lamentashonnan 2:22

Manera p'un fiesta Bo a invitá hende pa terorisá mi di tur banda. Riba e dia ku bo furia a rementá, o SEÑOR, no tabatin niun hende ku a skapa o sobrebibí. E muchanan ku ami a yaya i lanta, e enemigu a kaba ku nan tur.

Yeremías 4:8

P'esei pone paña di rou na boso kurpa, sklama i dal gritu di yoramentu, pasobra SEÑOR no a bira rumbo di su furia ardiente fo'i riba nos.

2 Reinan 22:13

‘Bai konsultá SEÑOR pa mi i pa henter pueblo di Huda, tokante kontenido di e buki ku a haña, pasobra SEÑOR mester ta rabiá di bèrdè mes ku nos, pasobra nos antepasadonan no a tuma kontenido di e buki akí na serio.’

Numbernan 32:14

Anto awor boso ta bin manera un generashon nobo di pekadó bin tuma lugá di boso tatanan pa hasi e furia di SEÑOR kontra Israel mas grandi!

Revelashon 19:15

For di su boka tabata sali un spada skèrpi, kuné lo e mata e nashonnan. Lo e goberná nan ku un bara di heru. E mes lo trapa nan manera wendrùif den e baki pa machiká wendrùif di e ira feros di Dios Todopoderoso.