Romanonan 14:15 - Papiamentu Bible 2013

¹⁵ Anto si loke bo ta kome ta ofendé bo ruman, bo no ta trata ku amor. No laga e echo ku bo ta kome sierto kos, hinka e hende ku Kristu a muri p'e den pèrdishon!

Beibel na Papiamentu Koriente 2013

¹⁵ Anto si loke bo ta kome ta ofendé bo ruman, bo no ta trata ku amor. No laga e echo ku bo ta kome sierto kos, hinka e hende ku Kristu a muri p'e den pèrdishon!

Romanonan 14:15 Referans Kwoze

Galatanan 5:13

Rumannan, boso ta yamá pa ta liber. Pero no usa e libertat ei pa entregá boso mes na mal deseo. Mas bien sirbi otro pa medio di amor.

Efesionan 5:2

Biba den amor; tuma ehèmpel di Kristu ku a stima nos i a entregá su bida pa nos komo un sakrifisio ku ta hole dushi, un ofrenda ku ta agradá Dios.

1 Korintionan 8:1

Ban pasa pa e tópiko tokante karni ofresé na dios falsu. Ta bèrdat ku ‘nos tur tin konosementu’, manera nan ta bisa. Ma e konosementu ei ta pone hende hincha bira orguyoso, miéntras amor ta yuda kresementu di iglesia.

Romanonan 15:2

Laga kada un di nos tene kuenta ku bienestar di su ruman i yud'é krese den fe.

Romanonan 14:20

No daña trabou di Dios pa motibu di kuminda! En realidat tur kuminda ta puru, pero ta malu pa kome loke ta un ofensa pa otro hende.

1 Huan 2:2

Hesus mes a bira e sakrifisio pa pordon di nos pikánan, no solamente pa esnan di nos, ma pa piká di henter mundu.

1 Korintionan 13:1

Ounke mi por a papia tur lenga ku hende sa papia, asta lenga di angel, pero mi no tin amor, mi no ta nada mas ku un gòn ku ta resoná òf un bèl ku ta zona pa loko.

Romanonan 13:10

Esun ku ta stima su próhimo no ta hasié daño, p'esei stima otro ta igual na laga e nifikashon berdadero di Lei di Moises sali na kla.

Ezekiel 13:22

Dor di boso mentiranan boso a kita tur kurashi for di hende honesto, hende ku Mi no ker a hasi daño. Pero hende malbado boso a kurashá pa sigui riba mal kaminda, mediante kua nan tabata riska pèrdè nan bida.

2 Pedro 2:1

Pero meskos ku tabatin profeta falsu den pueblo di Israel, asina tambe maestro falsu lo lanta entre boso. Pushipushi nan lo laga siñansa ku ta destruí bida di hende infiltrá meimei di boso; nan lo nenga nan Doño ku a paga pa nan sali liber i asina lo aselerá nan propio destrukshon.