Romanonan 14:13 - Papiamentu Bible 2013

¹³ Awèl, no laga nos sigui kondená otro. Al kontrario, tuma desishon ku bo no ta pone bo ruman trompeká òf kai den piká.

Beibel na Papiamentu Koriente 2013

¹³ Awèl, no laga nos sigui kondená otro. Al kontrario, tuma desishon ku bo no ta pone bo ruman trompeká òf kai den piká.

Romanonan 14:13 Referans Kwoze

2 Korintionan 6:3

Nos no ke hasi nada ku ta ofendé hende, pa nos trabou no haña mal nòmber.

Hakobo 4:11

Rumannan, no papia malu di otro. Esun ku papia malu di su ruman òf husg'é ta papia malu di Lei i ta husga Lei. I si abo ta husga Lei en bes di obedes'é, bo ta hasi bo mes hues riba dje!

Lukas 12:57

Pakiko boso no ta husga pa boso mes kiko ta bon?

Mateo 7:1

No husga pa Dios no husga bo.

Isaías 57:14

SEÑOR ta bisa: ‘Drecha kayanan, hasi lihé, habri kaminda. Kita tur loke ta stroba mi pueblo.’

Romanonan 16:17

Rumannan, mi ta roga boso pa tene kuidou ku esnan ku ta trese diskordia i ta pone otro hende kai den piká. Loke nan ta hasi ta bai kontra e siñansa risibí. Keda leu for di nan!

Romanonan 14:10

Awor abo ku no ta kome tur kos, pakiko bo ta kondená bo ruman? Anto abo ku ta kome tur kos, pakiko bo ta menospresiá bo ruman? Al fin i al kabo nos tur tin ku bai dilanti di Dios pa E husga nos.

Lukas 17:2

Lo tabata mihó p'e, pa mara un piedra grandi di mulina rònt di su garganta i bent'é na laman, ku p'e laga un di e chikitunan akí kai den piká.

Revelashon 2:14

Pero Mi tin algun kos kontra boso: Tin hende entre boso ku ta tene nan na enseñansa di Bileam. Bileam a siña Balak kon e mester a laga e israelitanan kai den piká, di manera ku nan tabata kome kuminda ku tabata ofresé komo sakrifisio na dios falsu i tabata kometé inmoralidat.

Hakobo 2:4

Ta diskriminá boso ta diskriminá otro i boso motibunan pa balorá hende ta robes.

1 Korintionan 11:13

Husga pa boso mes: ta bon pa hende muhé resa sin algu pa tapa su kabes?

1 Korintionan 10:32

No hasi nada ku ta pone otro hende kai den piká, sea ku ta hudiu, no hudiu òf esnan ku ta pertenesé na iglesia di Dios.

Romanonan 14:4

Ken bo ta pa husga sirbidó di otro hende? Si e para firme òf kai, ta entre e i su Señor. I lo e para firme, pasobra Señor ta hasi esei posibel!

Mateo 18:7

Ta tristu ku den mundu tin kos ku ta pone hende kai den piká. Awor no por evitá ku tin kos ku ta pone hende kai den piká, ma ai di e persona ku ta pone otro hende pèrdè fe.

Mateo 16:23

Hesus a bira bisa Pedro: ‘Bai for di Mi, satanas! Bo ta un estorbo pa Mi; bo no ta pensa manera Dios, ma manera hende!’

1 Huan 2:10

Es ku stima su ruman ta biba den lus i no ta kousa kaida di su ruman.

1 Timoteo 5:14

P'esei mi ke pa e biudanan hóben kasa, haña yu i manehá nan kas, ya nan no ta duna nos enemigu chèns pa kritiká nos.

Filipensenan 1:10

asina boso por distinguí loke ta importante di bèrdè. E ora ei boso lo ta puru i sin falta riba e dia ku Hesus bini

2 Korintionan 5:14

Pasobra e amor ku Kristu tin pa nos ta determiná loke nos ta hasi, nos ku a bira konsiente ku ún hende a muri pa tur otro hende, ke men ku tur a muri.

Romanonan 11:9

I David ta bisa: ‘Nan komementu resultá un trampa i reda pa nan, ya nan ta trompeká i haña nan kastigu.

2 Samuel 12:14

pero, komo ku den e asuntu akí bo a duna e enemigunan di SEÑOR motibu pa despresi'É profundamente, e yu hòmber di bo ku a nase, lo muri.’

Ezekiel 14:3

‘Hende, e hendenan akí a entregá nan mes na nan diosnan falsu i nan no por kita nan bista for di loke ta pone nan kai den piká. Anto lo Mi laga nan konsultá Mi ainda?

Levítiko 19:14

No papia palabra malu ku un surdu ni pone un kos den kaminda ku por pone un siegu trompeká. Asina boso ta demostrá ku boso komportashon ku boso ta respetá Mi. Ami ta SEÑOR, boso Dios.

Romanonan 14:3

Esun ku ta kome tur kos no mester menospresiá esun ku no ta kome tur kos. Anto esun ku no ta kome tur kos no mester kondená e otro, pasobra Dios a aseptá esun akí tambe.