Romanonan 13:11 - Papiamentu Bible 2013

¹¹ Den tur esaki, tene kuenta ku e tempu ku nos ta biba aden i sa ku e ora a yega pa boso lanta for di soño. Pasobra awor akí nos salbashon ta mas serka ku tempu nos a kuminsá kere den e bon notisia.

Beibel na Papiamentu Koriente 2013

¹¹ Den tur esaki, tene kuenta ku e tempu ku nos ta biba aden i sa ku e ora a yega pa boso lanta for di soño. Pasobra awor akí nos salbashon ta mas serka ku tempu nos a kuminsá kere den e bon notisia.

Romanonan 13:11 Referans Kwoze

1 Pedro 4:7

Fin di tur kos ta serka! P'esei boso mester ta prudente i alerta pa boso por dediká boso na orashon.

Efesionan 5:14

pasobra tur kos ku keda revelá den un forma kla, ta bira igual na lus. P'esei tin bisá: ‘Abo ku ta drumí, lanta; lanta for di morto! Pa Kristu bria riba bo!’

1 Korintionan 15:34

Bin bei i stòp di peka, pasobra algun di boso no konosé Dios. Mi ta bisa boso esaki pa pone boso kara na bèrgwensa.

Revelashon 22:20

Esun, ku ta deklará esaki, ta bisa: ‘Sigur, Mi ta bini pronto!’ Amèn! Bini Señor Hesus!

Lukas 21:28

Ora tur e kosnan akí kuminsá sosodé, para firme i lanta kabes, pasobra boso salbashon ta serka.’

Revelashon 22:12

Despues mi a tende bisa: ‘Tende, Mi ta bini pronto. Mi ta bini ku e rekompensa pa duna kada hende di akuerdo ku loke el a hasi.

Predikador 9:10

Hasi loke bo por hasi ku bo forsa, pasobra den e graf kaminda bo ta bai no tin trahamentu, ni planiamentu, ni konosementu, ni sabiduria.

Yonas 1:6

E kapitan a baha bai serka dje i a bis'é: ‘Kon bo por ta drumi duru asina? Lanta i resa na bo dios, kisas e dios ei por kòrda di nos i lo no laga nos hoga.’

1 Korintionan 10:11

E kosnan akí a sosodé ku nan komo ehèmpel pa otro hende i a skibi e kosnan akí komo atvertensia pa nos, ku ta biba serka fin di mundu.

Mateo 16:3

Anto mainta trempan boso ta bisa: “Ta bai tin mal tempu, pasobra shelu ta kòrá i skur.” Boso por wak shelu i bisa ki sorto di wer ta na kaminda, ma e señalnan ku ta tuma lugá den e tempu akí boso no por interpretá.

Hakobo 5:8

Boso tambe mester warda ku pasenshi! Para firme, pasobra Señor ta serka di bini!

2 Pedro 3:9

No ta tarda Señor ta tarda pa kumpli ku su promesa, manera algun hende ta suponé, pero ta pasenshi E tin ku boso. Señor no ke pa niun hende bai pèrdí. E ke pa tur hende kombertí i sigui su boluntat.

2 Pedro 3:11

Si konsiderá ku tur e kosnan akí lo keda destruí asin'ei, kon santu i dediká na Dios boso bida lo no mester ta!

1 Huan 2:18

Mi yunan, e ora final a yega! Boso a tende ku antikristu ta bini, awèl, awor hopi enemigu di Kristu a sali bini dilanti i p'esei mes nos sa ku e ora final a yega.

Revelashon 1:3

Felis esun ku lesa palabra di e profesia akí pa otro hende tende, i felis esnan ku skucha nan i tuma nan kontenido na pechu, pasobra e tempu ku e kosnan akí ta bai sosodé ta serka.

Revelashon 22:10

Ademas el a bisa: ‘No tene e mensahe profétiko di e buki akí sekreto, pasobra ora di su kumplimentu ta serka.