Romanonan 12:6 - Papiamentu Bible 2013

⁶ Dios a duna nos diferente don di akuerdo ku e grasia ku nos a risibí di djE. Si Dios a duna un hende don pa profetisá, e profetisá di akuerdo ku e fe ku e tin;

Beibel na Papiamentu Koriente 2013

⁶ Dios a duna nos diferente don di akuerdo ku e grasia ku nos a risibí di djE. Si Dios a duna un hende don pa profetisá, e profetisá di akuerdo ku e fe ku e tin;

Romanonan 12:6 Referans Kwoze

1 Korintionan 7:7

Lo mi tabata ke pa tur hende ta manera mi i keda sin kasa, ma Dios a duna kada hende diferente don, esun esaki, otro hende esaya.

Romanonan 12:3

Dios a duna mi un enkargo, p'esei mi por bisa kada un di boso: no pensa ku boso ta mas di loke boso ta, pero sea realístiko. Kada ken mester tin un konsepto humilde di su mes, di akuerdo ku e midí di fe ku Dios a dun'é.

Romanonan 1:11

Pasobra mi tin mashá mashá gana di mira boso pa por kompartí algun don ku Spiritu Santu a duna mi i asina ei fortalesé boso.

1 Korintionan 13:2

Maske mi tin don di profesia, mi konosé tur Dios su plannan skondí i mi sa tur kos, maske mi tin fe perfekto pa move seru, ma mi no tin amor, mi no ta nada.

Efesionan 4:11

El a duna hende don pa asina algun di nan bira apòstel, algun otro profeta, otro evangelista i otro wardadó i maestro.

1 Korintionan 14:1

Sòru pa boso tin amor i hasi empeño pa boso haña e donnan spiritual, spesialmente esun di profesia.

2 Korintionan 8:12

Kaminda tin boluntat pa duna i hende duna segun su forsa, Dios ta aseptá e kontribushon. Dios no ta spera di niun hende pa e duna loke e no tin.

1 Tesalonisensenan 5:20

ni menospresiá profesia,

1 Korintionan 14:29

Laga dos òf tres profeta papia i laga e otronan husga loke nan ta bisa.

Echonan 15:32

Hudas i Silas, ku tabata profeta, tambe a kurashá i fortalesé e rumannan ku un diskurso largu.

Echonan 2:17

“Den e último dianan, Dios ta bisa, lo Mi drama mi Spiritu riba tur hende. Boso yunan hòmber i muhé lo profetisá; boso hóbennan lo haña vishon i boso hòmbernan di edat avansá lo risibí soño.

Filipensenan 3:15

P'esei antó, laga nos ku ta kreyente madurá pensa meskos, ma si boso ta pensa otro tokante un ke otro, Dios mes lo revelá boso kiko ta bèrdat.

Efesionan 3:5

Esei tabata skondí pa e hendenan di ántes, ma awor Dios a revel'é na su apòstel- i profetanan santu pa medio di su Spiritu.

Echonan 13:1

Den e iglesia na Antiokia tabatin algun profeta i maestro: Barnabas, Simeon, yamá tambe ‘Pretu’, Lusius di Sirene, Manahen ku tabata íntimo amigu di gobernador Heródes, i Saulo.

Lukas 11:49

P'esei sabiduria di Dios a bisa: “Lo Mi manda profeta i apòstel pa nan; nan lo mata algun i otro nan lo persiguí.”

Mateo 23:34

Skucha bon! P'esei Mi ta manda profeta, hòmber sabí i hende vèrsá den lei pa boso. Algun boso lo mata, algun boso lo krusifiká, otro boso lo suta ku zuip den snoa i persiguí di siudat pa siudat.

1 Korintionan 14:24

Pero si tur hende ta profetisá i un hende ku no ta pertenesé na e grupo òf un hende ku no ta kere kana drenta, lo e keda di skual pa su pikánan i husgá pa loke tur hende bisa.

Echonan 21:9

E tabatin kuater yu muhé soltero ku tabatin don di profesia.

1 Korintionan 3:5

Anto ta ken ta Apolo? Ken ta Pablo? Nos no ta nada otro ku sirbidó pa medio di ken boso a yega na fe! Nos kada un a hasi e trabou ku Dios a duna nos.

1 Korintionan 12:18

Pero Dios a pone kada miembro di e kurpa na e lugá ku parse É di ta mas mihó.

2 Pedro 1:20

Mas ku tur kos, sa ku niun profesia di Skritura no ta bini komo resultado di hende su mes interpretashon.

Mateo 25:22

Despues esun ku a haña dos mil a drenta i a bisa: “Shon, bo a duna mi dos mil moneda. Ata aki dos mil èkstra di ganashi ku mi a haña!”