Romanonan 12:18 - Papiamentu Bible 2013

¹⁸ Biba na pas ku tur hende te kaminda esei ta dependé di boso.

Beibel na Papiamentu Koriente 2013

¹⁸ Biba na pas ku tur hende te kaminda esei ta dependé di boso.

Romanonan 12:18 Referans Kwoze

Hebreonan 12:14

Hasi esfuerso pa biba na pas ku tur hende i trata di biba santu. Es ku no biba santu, no ta mira Señor nunka.

Romanonan 14:19

P'esei anto nos mester buska ku afan loke ta kontribuí na pas entre ruman i nan kresementu komo komunidat di fe.

Mateo 5:9

Felis esnan ku ta trese pas; Dios lo yama nan su yu.

2 Korintionan 13:11

Finalmente, rumannan, sea kontentu, hasi esfuerso pa alkansá perfekshon, tuma mi palabranan di enkurashamentu na serio, sea ún di pensamentu i biba na pas. I e Dios di amor i pas lo ta ku boso.

Galatanan 5:22

Pero loke Spiritu di Dios ta generá den hende ta amor, goso, pas, pasenshi, amabilidat, bondat, fieldat,

Marko 9:50

Salu ta un kos bon, ma si e pèrdè su stansha ta kiko lo por dun'é su smak atrobe? Wak pa boso ta salgá i biba na pas ku otro.’

Proverbionan 12:20

Mentira ta biba den kurason di esnan ku ke hasi maldat, pero esnan ku trese pas ta toka parti den alegria.

1 Pedro 3:11

Laga nan hui for di kos malu, hasi bon, buska pas, trata di gan'é.

2 Timoteo 2:22

Abo kore pa e pashonnan di hubentut i buska hustisia, fe, amor i pas, huntu ku esnan ku ta invoká Señor ku un kurason limpi.

Romanonan 14:17

Pasobra reino di Dios no ta kuestion di loke hende ta kome i bebe, pero di hiba un bida hustu, di tin pas i goso den Spiritu Santu.

Salmo 34:14

Hui kos malu, hasi bon, buska pas, trata di gan'é.

1 Tesalonisensenan 5:13

Boso mester apresiá i stima nan mashá hopi mes pa e trabou ku nan ta hasi. Biba na pas ku otro.

Efesionan 4:3

Hasi esfuerso pa kuida e union ku Spiritu Santu ta duna, pa medio di e pas ku ta mara boso huntu.

Mateo 5:5

Felis esnan mansu di kurason; nan lo haña mundu komo propiedat.

1 Korintionan 7:15

Pero si esun ku no ta kreyente ke bai laga su esposo òf esposa ku ta kreyente, lag'é hasié. Su kasá no ta mará na e matrimonio mas. Dios a yama boso pa biba na pas!

2 Samuel 20:19

Nos siudat tin e hendenan di mas pasífiko i di mas fiel di Israel. Tur hende ta bini aki, manera ta bini serka un mama pa konseho. I ta nèt e bo ta trata na destruí. Pakiko bo ke guli SEÑOR su propiedat manera un bestia feros ta guli su víktima?’

Proverbionan 3:30

No buska pleitu sin motibu ku hende ku no a hasi bo nada malu.

Mateo 5:24

laga bo ofrenda para dilanti di altá. Bai hasi bon ku bo ruman promé i despues bini bèk bin hasi bo ofrenda.

Romanonan 1:15

P'esei mi ta ansioso pa prediká e bon notisia na boso ku ta biba na Roma tambe.

Génesis 21:24

Abraham a bisa: ‘Ta bon, mi ta hura.’

Huesnan 11:14

E ora ei Yefta a bolbe manda mensahero serka rei di e amonitanan. Su kontesta tabata: