Romanonan 12:10 - Papiamentu Bible 2013

¹⁰ Stima otro di kurason, ku amor di ruman i sea esun promé pa respetá otro.

Beibel na Papiamentu Koriente 2013

¹⁰ Stima otro di kurason, ku amor di ruman i sea esun promé pa respetá otro.

Romanonan 12:10 Referans Kwoze

Filipensenan 2:3

No hasi nada pa ambishon egoista, ni buya barata, ma sea humilde i konsiderá e otro di ta mas ku bo.

Hebreonan 13:1

Keda stima otro manera ruman den Kristu.

1 Huan 4:11

Keridonan, si t'asina Dios a stima nos, nos tambe mester stima otro!

1 Pedro 1:22

Boso a purifiká boso alma dor di obedesé e bèrdat i asina boso por stima otro manera ruman ku un amor sinsero; p'esei anto stima otro ku un kurason puru.

1 Pedro 2:17

Respetá tur hende, stima e rumannan, mustra reverensia na Dios i honra emperador.

1 Tesalonisensenan 4:9

Awor pa loke ta trata amor entre ruman kreyente nos no tin nodi di skibi boso nada tokante esei, pasobra Dios mes a siña boso stima otro.

Galatanan 5:13

Rumannan, boso ta yamá pa ta liber. Pero no usa e libertat ei pa entregá boso mes na mal deseo. Mas bien sirbi otro pa medio di amor.

Galatanan 5:22

Pero loke Spiritu di Dios ta generá den hende ta amor, goso, pas, pasenshi, amabilidat, bondat, fieldat,

Salmo 133:1

Esta bon, esta dushi di ta ruman i biba huntu den union!

1 Huan 4:20

Si un hende bisa: ‘Mi ta stima Dios’, pero e no ta stima su ruman, e ta un gañadó! Pues si un hende no por stima su ruman, ku e ta mira, e no por stima Dios, ku e no ta mira, tampoko.

2 Pedro 1:7

e rèspèt ei na kariño pa e rumannan i laga e kariño ei kondusí boso na amor pa tur hende.

1 Pedro 5:5

Boso ku ta hóben mester someté boso na e ansianonan di iglesia; ademas boso tur mester trata otro ku humildat, pasobra Skritura ta bisa: ‘Dios ta resistí esnan ku ta orguyoso, pero ta mustra grasia na esnan ku ta humilde.’

Huan 15:17

Esaki antó ta loke Mi ta manda boso hasi: stima otro.

Romanonan 13:7

P'esei duna kada ken loke e tin derechi riba dje: si ta kontribushon i belasting, pag'é nan; si ta rèspèt i honor, dun'é nan.

Echonan 4:32

E grupo di kreyente tabata un di kurason i mente; niun hende no tabata reklamá su poseshonnan p'e so; al kontrario, nan tabata kompartí tur kos ku otro.

Lukas 14:10

Mihó, ora nan kombidá bo, bo bai sinta patras. E anfitrion lo bini serka bo i bisa bo: “Amigu, hala bo bin sinta mas dilanti.” Den bista di esnan sintá na mesa huntu ku bo esei lo ta un honor.

Mateo 20:26

Esei no mester tuma lugá serka boso. Al kontrario, esun ku ke ta grandi meimei di boso mester sirbi e otronan.

2 Tesalonisensenan 1:3

Rumannan, ta nos deber pa semper yama Dios danki pa boso. Anto ta bon pa hasi esei, pasobra boso fe ta kresiendo abundantemente i e stimashon ku boso tin pa otro ta oumentando.

Kolosensenan 1:4

Pasobra nos a tende di boso fe den Kristu-Hesus i di boso amor pa henter e pueblo santu.

Galatanan 5:6

Pasobra serka siguidónan di Kristu-Hesus no ta importante si un hende ta sirkunsidá òf nò. Ta e fe ku ta funshoná pa medio di amor ta konta.

Huan 17:21

Tata, mare nan tur por ta ún, manera Abo ta den Mi i Ami den Bo, pa asina nan por ta den nos, pa mundu kere ku Abo a manda Mi.

Job 1:4

Su yu hòmbernan tabatin kustumber di tene fiesta kada be na un otro ruman su kas i nan tabata kombidá nan tres ruman muhénan pa bin kome i bebe ku nan.

Génesis 13:9

Ata tur e tera bo dilanti; mihó nos bai for di otro. Si bo bai nort, mi ta bai zùit, si bo bai wèst mi ta bai ost.’

Yeremías 38:12

Ebèd-Mèlèk a bisa Yeremías: ‘Lora e lapinan ei rondó di e kabuya i pas'é bou di bo brasa.’ Yeremías a hasi esei.