Romanonan 11:33 - Papiamentu Bible 2013

³³ Esta inkomprensibel Dios su rikesa, sabiduria i konosementu ta! Esta insondabel su plannan!

Beibel na Papiamentu Koriente 2013

³³ Esta inkomprensibel Dios su rikesa, sabiduria i konosementu ta! Esta insondabel su plannan!

Romanonan 11:33 Referans Kwoze

Job 5:9

pasobra Dios ta hasi kosnan asina grandi, ku mente di hende no por skrudiñá, asina tantu milager, ku no por kaba di konta nan.

Salmo 92:5

‘Esta grandi ta bo obranan, SEÑOR, bo pensamentunan, esta profundo!’

Romanonan 2:4

Òf ta menospresiá bo ta menospresiá bondat, toleransia i pasenshi abundante di Dios? Ta sa bo no sa ku Dios ta bondadoso i p'esei E ke trese un kambio den bo bida?

Job 37:23

Todopoderoso ta asina grandi, ku nos no por aserk'É; E ta hustu i bon i no ta oprimí hende.

Efesionan 3:10

Asina antó awor e outoridat- i gobernantenan den e regionnan selestial ta siña konosé, pa medio di iglesia, sabiduria di Dios ku ta mustra su mes den hopi diferente forma.

Predikador 3:11

Ta un smak pa mira kon tur tur kos ta tuma lugá na su debido tempu. Dios a duna hende tambe un gana fuerte di sinta pensa riba tempu i riba loke ta pasa den e tempu ei. Pero tòg asina mes hende no por saka afó kiko Dios a hasi for di kuminsamentu te na final.

Salmo 36:6

bo hustisia parse serunan masivo, bo huisionan fondo di laman.

Efesionan 1:7

Nos ta librá, pasobra Kristu a drama su sanger pa nos, i E ta pordoná nos aktonan di desobediensia, danki na su grasia inmenso.

Kolosensenan 1:27

Dios ker a laga nan konosé e rikesa glorioso ku e plan ei ta enserá pa tur pueblo. Esta ku Kristu ta den boso i ku t'E ta e speransa ku boso lo tuma parti na gloria di Dios.

Romanonan 9:23

I na mes momento E ker a mustra su gloria abundante, e gloria ku El a duna esnan ku El a prepará di antemano pa risibí su mizerikòrdia.

Salmo 97:2

Rondó di djE tin nubia skur, hustisia i derecho ta fundeshi di su trono.

Salmo 77:19

Bo kaminda a pasa den laman, Bo a kana den masa di awa: no por a mira bo pasonan!

Job 26:14

Tur loke m'a trese dilanti ta djis un punta di loke Dios a hasi; tur loke nos a tende ta djis un vrunvrun! Imaginá bo kon zonido poderoso di su poder por aplastá nos.’

Efesionan 2:7

Ku esei E ker a demostrá e rikesa inmenso di su grasia den e tempu benidero, basá riba e bondat ku El a mustra nos den Kristu-Hesus.

Daniel 4:35

Kompará kunÉ, hende no ta nada; E ta hasi manera E ke ku podernan di shelu i ku habitantenan di tera. No tin ningun hende ku por bai kontra su poder, ni ku por reklam'É loke E ta hasi.

Salmo 40:5

Esta hopi milager Bo a hasi, SEÑOR, mi Dios! Hopi plan Bo a traha pa nos: hende no por igualá Bo. Si mester papia i konta di nan, nan ta mas ku mi por menta.

Job 9:10

Pasobra ya…Dios ta hasi kosnan asina grandi, ku mente di hende no por skrudiñá; asina tantu milager, ku no por kaba di konta nan.

Efesionan 3:16

Mi ta pidiÉ pa for di su rikesa glorioso i pa medio di Spiritu Santu, E fortalesé boso ku poder den profundidat di boso ser.

Efesionan 3:8

Dios a duna ami, esun ménos ku tur e otro kreyentenan, privilegio di proklamá e bon notisia tokante e rikesa inkalkulabel di Kristu, na esnan ku no ta hudiu.

Proverbionan 25:3

Altura di shelu, profundidat di tera i pensamentu di rei, no ta kosnan ku hende por penetrá drenta.

Efesionan 3:18

Di e manera ei boso lo ta kapas di komprondé, huntu ku tur e fielnan, kon largu, hanchu, altu i profundo amor di Kristu ta.

Job 37:19

Bisa nos kiko nos lo por bis'É? Nos sintí ta tapá i nos no tin nada di bisa.

Job 33:13

Di kon bo ta akusá Dios, ku E no ta diskutí su kaso ku bo?

Job 15:8

Bo tin privilegio pa presensiá seshonnan ku Dios ta tene? Bo ta kere ku t'abo ta e úniko hende ku sabiduria na mundu?

Salmo 139:6

Tantu saber ta surpasá mi, ta muchu altu pa mi logra kapt'é.

Salmo 145:3

SEÑOR ta grandi, digno di alabansa, ningun hende no por midi su grandesa.

Proverbionan 25:2

Nos ta keda boka habrí ora nos mira kon Dios sa di skonde su kamindanan. Nos ta keda babuká ora nos mira kon rei sa di trese kosnan importante na klaridat.

Predikador 7:24

Tur loke ta eksistí ta fo'i mi alkanse! Tur ta demasiado profundo i niun hende no por komprondé nan.

Predikador 8:17

e ora ei mi a deskubrí tur kos ku Dios a hasi. Niun hende no por komprondé loke Dios ta hasi aki riba mundu, ni maske kuantu esfuerso hende hasi e no ta haña sa. Asta ora un hende sabí pretendé ku e sa, den realidat e no por a haña sa.

Isaías 28:29

Esaki tambe ta saber ku SEÑOR soberano a dun'é. Plannan di Dios ta maravioso. E sa bon kon realisá nan.

Isaías 40:28

Ta sa boso n' sa, tende boso n' tende? SEÑOR ta Dios pa tur eternidat, El a krea mundu di punta te punta. E no ta kansa ni pèrdè rosea: no por sondia su saber.

1 Korintionan 2:10

Ma nos sí Dios a laga konosé su plan skondí pa medio di su Spiritu. Spiritu Santu ta skrudiñá tur kos, asta e pensamentunan di Dios ku ta profundamente skondí.

Ester 2:22

Ora Mordekai a tende di e kòmplòt, el a konta reina Ester i Ester a bai konta rei pa Mordekai.

Job 10:13

Sinembargo bo intenshon a keda skondí; awor mi sa ki plan Bo tabatin:

Job 23:14

E ta kumpli ku loke El a disponé pa mi, i ainda E no ta kla ku mi.