Revelashon 4:7 - Papiamentu Bible 2013

⁷ E promé ser tabata parse un leon, e di dos un toro yòn, e di tres tabatin un kara manera di hende i e di kuater tabata parse un águila ku tabata bula.

Beibel na Papiamentu Koriente 2013

⁷ E promé ser tabata parse un leon, e di dos un toro yòn, e di tres tabatin un kara manera di hende i e di kuater tabata parse un águila ku tabata bula.

Revelashon 4:7 Referans Kwoze

Ezekiel 10:14

Kada kerubin tabatin kuater kara: e promé kara tabata kara di un angel, e di dos di un hende, e di tres di un leon i e di kuater di un águila.

Ezekiel 1:10

Serka kada di e kuater sernan e kara parti dilanti tabata parse kara di hende, e kara na banda drechi tabata parse kara di un leon, e kara na banda robes tabata parse kara di un baka i e kara parti patras tabata parse kara di un águila.

Ezekiel 10:21

Kada un tabatin kuater kara i kuater ala i bou di e alanan algu ku tabata parse man di hende.

Revelashon 4:6

Dilanti di e trono tabatin algu manera un laman di glas, kla manera kristal. Meimei, rondó di e trono, tabatin kuater ser bibu, ku tabatin yen di wowo di dilanti i di patras.

Daniel 7:4

Esun promé tabata parse un leon, ma e tabatin ala di un águila. Mi a keda wak i mi a mira kon a ranka su alanan i hisa e bestia pon'é para riba dos pia meskos ku un ser humano. Tambe el a haña sintí di hende.

Ezekiel 1:8

Tabatin un man di hende bou di kada di e kuater alanan. Kara di e kuater sernan, meskos ku nan alanan,

Isaías 40:31

pero esnan ku konfia den SEÑOR ta haña forsa nobo kada be; nan lo bula altu manera águila. Nan ta kore sin kansa nan ta kana sin pèrdè rosea.

Deuteronomio 28:49

Riba su òrdu un nashon for di un region mashá mashá leu lo baha riba boso manera un águila, un nashon ku boso no ta komprondé su idioma.

Abdías 1:4

Pero ni maske bo bula altu manera águila i traha bo nèshi meimei di streanan, Ami ta hala bo abou.’ T'esei SEÑOR ta bisa.

Proverbionan 28:2

Na un pais kaminda kada hende ta hasi únikamente loke ta bon den su mes bista, e gobièrnu n' ta sinta largu, pero kaminda tin un gobernador ku inteligensia i konosementu, stabilidat ta dura.

2 Samuel 1:23

Saul i Yonatan, tan stimá i simpátiko, nunka separá, ni den bida ni den morto, mas lihé ku águila, mas fuerte ku leon.

Génesis 49:9

Abo, Huda, mi yu! Bo ta manera un yu di leon ora e kaba di habraká su víktima: e ta lanta bai, sak, benta su kurpa abou, komo si fuera ta un leon grandi e ta. Ken lo riska molesti'é?

1 Korintionan 14:20

Rumannan, no pensa manera mucha. Bon, sea manera mucha sí pa loke ta trata maldat, pero sea madurá den boso forma di pensa.

Numbernan 24:9

Manera un leon e pueblo ta sak, benta su kurpa abou komo si fuera ta un leon grandi e ta. Ken lo riska molesti'é? Esun ku bendishoná bo, lo ta bendishoná i esun ku maldishoná bo, lo ta maldishoná.’

Numbernan 23:24

Ata un pueblo aki ku ta lanta para manera un leon. Ku no ta sosegá promé ku e devorá loke el a kapturá i bebe sanger di su víktimanan.’

Revelashon 6:3

Ora e Lamchi a kibra e di dos seyo, mi a tende e di dos ser grita: ‘Bini!’

Revelashon 6:5

Ora e Lamchi a kibra e di tres seyo, mi a tende e di tres ser grita: ‘Bini!’ Mi a mira un kabai pretu aparesé; esun sintá riba dje tabatin un balansa den su man.

Revelashon 6:7

Ora e Lamchi a kibra e di kuater seyo, mi a tende e di kuater ser grita: ‘Bini!’