Revelashon 18:7 - Papiamentu Bible 2013

⁷ Kous'é mes tantu doló i fèrdrit ku e luho i dekadensia ku el a pèrmití su mes. Pasobra e ta bisa den su mes: “Mi ta sinta manera un reina riba mi trono! Mi no ta biuda, mi no tin mester di bisti rou nunka.”

Beibel na Papiamentu Koriente 2013

⁷ Kous'é mes tantu doló i fèrdrit ku e luho i dekadensia ku el a pèrmití su mes. Pasobra e ta bisa den su mes: “Mi ta sinta manera un reina riba mi trono! Mi no ta biuda, mi no tin mester di bisti rou nunka.”

Revelashon 18:7 Referans Kwoze

Sofonías 2:15

T'esei ta e siudat dartu, ku a sinti su mes asina sigur i a pensa: ‘No tin un siudat manera mi.’ Kiko a sobra di dje? Un ruina, lugá pa bestia di mondi sosegá. Tur hende ku pasa ta bisa: ‘É-ééé!’ i tapa nan kara ku nan man.

Lamentashonnan 1:1

Ai, esta bandoná awor e ta, e siudat Herusalèm, un ten kankan di hende! Un ten pa henter mundu honrá, awe at'é un biuda! No mas ku ayera soberana riba provinsianan, awe at'é un katibu!

Yeremías 13:18

SEÑOR a manda mi bisa rei i reina mama: ‘Baha for di boso trono i kai sinta abou, pasobra boso korona presioso a kita kai for di boso kabes.

Salmo 45:9

Denter di damanan di korte tin prinsesa, na bo man drechi bo esposa, dòrná ku oro di Ofir.

Salmo 10:6

E ta bisa den su mes: ‘Nada no ta pasa mi, ún manera mi hamas i nunka lo no pena.’

Abdías 1:3

Bo a konsiderá bo mes mas ku tur nashon, pero bo a gaña bo mes. Bo ta biba den kueba den baranka, na lugánan inaksesibel. Bo ta pensa: “Ami sí niun hende no por hala mi abou.”

1 Timoteo 5:11

Pero nenga di pone biuda hóben riba lista, pasobra ora e deseonan ku ta stroba nan di sirbi Kristu komo biuda lanta, nan ta haña gana di kasa atrobe!

Revelashon 18:3

Tur pueblo a bebe di e biña tèrko di su inmoralidat, e reinan di mundu a kometé inmoralidat kuné, i e komersiantenan di mundu a bira riku dor di su dekadensia sin límite.’

Revelashon 18:9

E reinan di mundu, su kompinchinan den inmoralidat i dekadensia, lo yor'é i ta tristu pa su motibu, ora nan mira huma di e kandela ku ta kim'é.

Ester 6:10

E ora ei rei a bisa Haman: ‘Hasi lihé; bai buska e mantel i e kabai i hasi manera bo a proponé ku e hudiu Mordekai ku ta sintá na porta di palasio. Kumpli ku kada palabra ku bo a bisa.’

Ezekiel 23:34

Lo bo beb'é te den bòm, mord'é kibra i habri bo pechunan ku e skèrfnan. Ami, SEÑOR, a papia.’ Esaki ta loke SEÑOR, mi Dios, ta bisa.