Proverbionan 4:5 - Papiamentu Bible 2013

⁵ Kore tras di sabiduria i bringa pa haña komprenshon, no lubidá mi palabranan ni desviá for di nan.

Beibel na Papiamentu Koriente 2013

⁵ Kore tras di sabiduria i bringa pa haña komprenshon, no lubidá mi palabranan ni desviá for di nan.

Proverbionan 4:5 Referans Kwoze

Hakobo 1:5

Si kualke un di boso falta sabiduria, resa pidi Dios i lo E duna bo e, pasobra Dios ta gusta duna tur hende sin límite, sin tira nada na nan kara.

2 Krónikanan 34:2

Yosías a hasi loke ta bon den bista di SEÑOR. Den tur kos el a sigui ehèmpel di su antepasado David, sin laga nada kit'é for di e bon kaminda.

Proverbionan 19:8

Es ku siña i apliká loke e siña, ta krese i mustra k'e ta stima su mes.

Proverbionan 17:16

Pakiko hende bobo ta bin kumpra sabiduria ku plaka den man, siendo e ta karesé di komprondementu?

Proverbionan 8:5

Boso ei, ku no tin eksperensia di bida i boso sin komprondementu, siña kon pa biba.

Salmo 44:18

Nos no a pensa nunka di bai bira lomba pa Bo, nos pia no a kita for di bo kaminda.

Proverbionan 23:23

Kumpra bèrdat i sabiduria, siñansa i komprenshon. No bende nan pa nada di mundu!

Proverbionan 18:1

Hende ku ta isolá nan mes ta sigui solamente nan mes kièr; nan ta oponé kontra tur bon konseho.

Proverbionan 16:16

Optené sabiduria ta muchu mas mihó ku optené oro, haña komprondementu ta muchu mas di preferá, ku haña plata.

Salmo 119:157

Mi enemigu- i opresornan ta hopi, ma mi n' ta kita fo'i bo huisionan.

Salmo 119:51

Hende sobèrbè ta ofendé mi sin fin, ma mi n' ke kita fo'i bo lei.

Job 23:11

Semper mi a hasi loke Dios a manda, mi a sigui su boluntat, no mi propio deseonan.

Proverbionan 3:1

Mi yu, no lubidá loke mi ta siña bo, atené bo na mi mandamentunan.

Proverbionan 4:7

Optené sabiduria i atkerí komprenshon, duna nan bo prioridat.