Proverbionan 28:15 - Papiamentu Bible 2013

¹⁵ Un mal hende ku ta goberná un pueblo pober ta meskos ku un leon ku ta gruña òf un oso ku ta ranka sali pa ataká.

Beibel na Papiamentu Koriente 2013

¹⁵ Un mal hende ku ta goberná un pueblo pober ta meskos ku un leon ku ta gruña òf un oso ku ta ranka sali pa ataká.

Proverbionan 28:15 Referans Kwoze

Mateo 2:16

Asina Heródes a realisá ku e sabionan a nèk e, el a bira mashá furioso i a manda mata tur mucha hòmber di Betlehèm i bisindario ku tabatin dos aña òf ménos. E edat akí tabata kuadra ku e tempu ku e sabionan a bis'é ku nan a mira e strea aparesé.

1 Pedro 5:8

Sea alerta; wak bon! Diabel, boso atversario, ta kana rònt manera un leon ku ta grita, buskando hende pa e devorá!

Proverbionan 20:2

Un rei furioso ta manera un leon ku ta grita; ken ku provok'é, ta pone su bida na peliger.

Proverbionan 19:12

Ora rei rabia ta manera ora leon grita, pero su bon boluntat ta manera serena riba yerba.

2 Reinan 21:16

Fuera di a pone Huda hasi loke ta malu den bista di SEÑOR, Manase a drama hopi sanger inosente na Herusalèm, asina hopi ku e siudat a yena ku sanger di punta pa punta.

Éksodo 1:22

E ora ei fárao a bisa henter su pueblo: ‘Tira mucha hòmber hebreo ku kaba di nase den riu Nilo, pero laga e mucha muhénan na bida.’

Hoséas 13:8

Mi ta ataká nan manera un oso muhé, ku a kita su yunan for di dje, Mi ta sker nan pechu habri, devorá nan manera un leon muhé; bestia feros ta destrosá nan.

Hoséas 5:11

A oprimí Efraim, kibra derecho aya, pasobra el a skohe pa bai tras di kakushi.

Proverbionan 17:12

Mihó pone bo mes na peliger serka un oso ku nan a hòrta su yunan, ku serka un bobo ku a pèrdè su sintí.

2 Reinan 15:16

Pasobra e hendenan di Tifsag a nenga di habri porta di siudat pa Menahem, el a konkistá e siudat akí. El a mata tur e habitantenan i e hendenan di henter e region, kuminsando na Tirsa, i a laga habri barika di tur muhé na estado.

2 Reinan 2:24

Eliseo a drei wak nan i maldishoná nan den nòmber di SEÑOR. E ora ei a sali dos mama oso for di mondi ku a habraká 42 di e muchanan.

Proverbionan 29:2

Ora hende hustu ta na mando, tur hende ta kontentu; ora mal hende ta goberná, tur hende ta gruña.

Éksodo 1:13

P'esei nan tabata laga e israelitanan hasi trabou di katibu i tabata maltratá nan.

Isaías 14:5

SEÑOR a kibra palu den man dje malbado, sèpter den man dje tirano,

Isaías 14:6

ku e tabata kastigá pueblonan kuné ku furia siegu, gòlpi riba gòlpi. Manera razu e tabata trapa nan, persiguí nan sin piedat.

Sofonías 3:3

Su gobernantenan ta meskos ku leon ku ta grita pa víktima, su huesnan meskos ku lobo ku ta yag den anochi i no ta laga niun wesu su manisé.