Proverbionan 24:30 - Papiamentu Bible 2013

^30-34 Mi a pasa banda di kunuku di un hòmber floho ku no a usa su sintí, mi a kana pasa banda di su hòfi di wendrùif. E hòfi tabata sofoká den sumpiña i kompletamente kubrí ku beu; e muraya di piedra ku tabatin rondó di dje a kai aden. Mi a kuminsá pensa ora mi a mira e kos ei, tabata un lès pa mi. Mi a pensa: bo n' por bisa: Ai, mi ke drumi djis un ratu mas, laga mi kabishá, drumi un ratu mas ku brasa krusá. Pasobra pobresa lo ataká bo meskos ku un atrakadó, nesesidat lo asaltá bo meskos ku un ladron armá.

Beibel na Papiamentu Koriente 2013

^30-34 Mi a pasa banda di kunuku di un hòmber floho ku no a usa su sintí, mi a kana pasa banda di su hòfi di wendrùif. E hòfi tabata sofoká den sumpiña i kompletamente kubrí ku beu; e muraya di piedra ku tabatin rondó di dje a kai aden. Mi a kuminsá pensa ora mi a mira e kos ei, tabata un lès pa mi. Mi a pensa: bo n' por bisa: Ai, mi ke drumi djis un ratu mas, laga mi kabishá, drumi un ratu mas ku brasa krusá. Pasobra pobresa lo ataká bo meskos ku un atrakadó, nesesidat lo asaltá bo meskos ku un ladron armá.

Proverbionan 24:30 Referans Kwoze

Proverbionan 12:11

Es ku plug su tera lo tin pan na abundansia, es ku biba di ilushon no ta usa su sintí.

Job 4:8

Segun mi eksperensia: Esun ku planta krímen i maldat ta kosechá loke nan a planta.

Proverbionan 10:13

Hende inteligente ta papia palabra sabí, hende bobo meresé sota ku palu.

Proverbionan 6:32

Pero esun ku kometé adulterio, no ta usa su sintí, un hende asina ta kaba ku su mes.

Salmo 37:25

Mi ta'ta mucha i awor mi ta bieu, ma mi no a mira nunka di mi bida ku un hende hustu a keda bandoná, ni ku su yunan mester kana pidi pan;

Job 15:17

Skucha mi, mi ke splika bo algu; laga mi konta bo loke mi a mira,

Job 5:27

Job, nos eksperensia di bida a siña nos esei, pens'é i tum'é na serio.’

Predikador 7:15

Den mi eksistensia pasahero mi a mira tur dos sorto di hende: hende hustu ku ta muri apesar di nan bondat i mal hende ku ta biba hopi aña apesar di nan maldat.

Salmo 107:42

Bon hende ta mir'é ku alegria, ma laga maldat sera boka.

Predikador 10:18

Si bo ta floho i bo no ta saka un man, e ora ei e balkinan lo bini abou i e dak lo kuminsá lèk.

Proverbionan 13:4

Hende floho ta deseá i keda sin haña, hende trahadó ta prosperá.