Proverbionan 2:10 - Papiamentu Bible 2013

¹⁰ Pasobra sabiduria lo bini den bo kurason i konosementu lo ta un plaser pa bo alma.

Beibel na Papiamentu Koriente 2013

¹⁰ Pasobra sabiduria lo bini den bo kurason i konosementu lo ta un plaser pa bo alma.

Proverbionan 2:10 Referans Kwoze

Yeremías 15:16

Pareu ku mi a risibí un palabra di Bo, mi tabata gulié; bo palabranan a yena mi kurason ku felisidat i alegria, pasobra mi ta di Bo, SEÑOR, Dios Soberano.

Kolosensenan 3:16

Laga e mensahe tokante Kristu permanesé ku tur su rikesa den boso kurason. Siña i koregí otro ku tur sabiduria. Kanta salmo, himno i kantika spiritual na Dios ku un kurason gradesido.

Job 23:12

Mi no a desviá di su mandamentunan, mi a apresiá kada palabra ku a sali for di su boka mas ku mi pan di kada dia.

Salmo 119:162

Mi ta gosa bo palabra mes tantu ku ora haña un tesoro.

Salmo 104:34

Mare E por gusta mi palabranan, mi mes ta haña mi goso den SEÑOR!

Salmo 19:10

Nan ta mas deseabel ku oro, un monton di oro puru; nan ta mas dushi ku miel fo'i kas di abeha.

Salmo 119:111

Bo huisionan — pa semper mi tesoro — ta alegrá mi kurason.

Proverbionan 14:33

Sabiduria ta sintié na kas den mente di hende ku komprondementu, den profundo di nan kurason asta hende bobo mester rekonosé esei.

Salmo 119:103

Esta dushi, e smak di bo promesa, mas ku miel den mi boka!

Salmo 119:97

Kuantu mi ta stima bo lei! T'e mi ta studia henter dia.

Proverbionan 1:4

E proverbionan akí ta siña hende, ku no tin eksperensia den kosnan di bida, konosé bida. Esun hóben ta haña konosementu i ta siña kon skohe bon kaminda.

Proverbionan 22:18

Pasobra lo t'un goso pa bo warda e palabranan akí den bo kurason, ya lo bo por usa nan ora di mester.

Proverbionan 4:6

No bandoná sabiduria i lo e protegé bo; stim'é i lo e warda bo.