Proverbionan 16:28 - Papiamentu Bible 2013

²⁸ Hende perverso ta kousa pleitu, hasimentu di redu ta kousa enemistat.

Beibel na Papiamentu Koriente 2013

²⁸ Hende perverso ta kousa pleitu, hasimentu di redu ta kousa enemistat.

Proverbionan 16:28 Referans Kwoze

Proverbionan 17:9

Es ku pordoná ofensa ta kultivá amistat, pero es ku keda ripití nan ta kore ku su amigunan.

Romanonan 1:29

Nan ta yen di tur sorto di maldat, malisia, gana di kos i bisio; nan ta gusta envidiá, mata hende, pleita, gaña, kohe hende kabes abou i hasi redu.

Proverbionan 18:8

Hende ta guli redu manera pan kayente, e ta baha bai te nos paden aya.

Proverbionan 15:18

Hende kabes kayente ta lanta rabia, hende ku pasenshi ta kalma pleitu.

Proverbionan 6:14

ku tin mente perverso, ku semper ta pensa maldat pa hasi i asina ta sembra desunion kontinuamente.

Proverbionan 6:19

testigu falsu ku no tin mester di pensa pa gaña i hende ku kontinuamente ta sembra desunion entre ruman.

2 Korintionan 12:20

Mi tin miedu ku ora mi bin bishitá boso, lo mi no enkontrá boso manera mi tin gana di mira boso i ku boso lo haña mi un hende diferente for di loke boso a spera. Mi tin miedu di pleitu, envidia, rabiamentu, egoismo, papiamentu riba hende, redu, arogansia i situashon desordená.

Proverbionan 30:33

Pasobra meskos ku ora bo bati lechi bo ta haña manteka, ora bo dal nanishi di un hende un moketa, e ta sangra, asina ta bini pleitu ora bo pone otro hende kunsumí.

1 Samuel 24:9

E di: ‘Di kon rei ta bai tras di e hendenan ku ta bisa ku mi ta buska un manera pa hasi rei daño?

Proverbionan 29:22

Hende rabiá ta trese desunion, i hende ku ta rabia lihé ta hasi hopi piká.

Proverbionan 16:27

Mal hende ta brota maldat, su lenga ta manera kandela.

Proverbionan 16:29

Ta un hende sin kompashon so ta gaña su amigu mustr'é kaminda robes.

Proverbionan 17:17

Un amigu ta stima semper, un ruman t'ei pa tempu di berans.

Proverbionan 18:6

Ta palabra di hende bobo ta hinka nan den problema i ta nan boka ta pidi un bon halá di sota.