Proverbionan 16:21 - Papiamentu Bible 2013

²¹ Ta gaba un hende sabí pa su komprenshon, un palabra amabel ta konvensé mas lihé.

Beibel na Papiamentu Koriente 2013

²¹ Ta gaba un hende sabí pa su komprenshon, un palabra amabel ta konvensé mas lihé.

Proverbionan 16:21 Referans Kwoze

Isaías 50:4

SEÑOR Dios a duna mi un lenga ábil, ku sa kon papia pa animá hende desanimá. Tur mainta Señor ta laga mi spièrtá ku deseo pa tend'É. Anto mi ta skuch'É manera un alumno atento.

Proverbionan 15:7

Palabra di hende sabí ta engrandesé komprondementu, pero palabra di hende bobo nunka.

Proverbionan 27:9

Dushi di kòmbersashon k'un amigu ta sinseridat, e ta manera un masashi ku zeta kostoso i un pasatempu den un kamber ku perfume dushi di sensia ta pone hole dushi.

Hakobo 3:17

Esnan ku tin e sabiduria ku ta bini di Dios, na promé lugá ta hiba un bida puru. Tambe nan ta hende ku ta trese pas, hende amabel, habrí pa tende, yená ku kompashon, sin prehuisio òf hipokresia, i nan ta produsí un kosecha di bon obra.

Huan 7:46

E sòldánan a kontestá: ‘Niun hende no a yega di papia manera e hòmber akí ta papia!’

Lukas 4:22

Tur hende a ekspresá ku nan tabata di akuerdo kunÉ; nan a keda asombrá di tende e palabranan bunita ku Hesus tabata papia i nan a bisa: ‘N' ta Hesus, yu di Hosé, esei ta?’

Predikador 12:10

Predikador a buska palabranan ku ta zona agradabel pa esnan ku ta skucha i loke el a skibi tabata honesto i bèrdat.

Proverbionan 23:15

Mi yu, dia bo bira sabí, lo no tin niun hende mas felis ku mi;

Proverbionan 10:8

Hende sabí ta dispuesto na aseptá guia, pero hende bobo ku ta papia pa loko ta keda destruí.

Salmo 45:2

Bo ta mas bunita ku tur yu di mama, palabranan grasioso ta brota fo'i bo boka: t'asina Dios su bendishon ta ku bo pa semper.

1 Reinan 3:12

lo Mi hasi loke bo a pidi. Lo Mi duna bo sabiduria i poder pa bo por husga entre bon i malu, di tal manera ku nunka ningun hende tabata por promé ku bo, ni ningun hende lo no por despues di bo.

Romanonan 16:19

Tur hende sa ku boso ta obedesidu, p'esei mi ta kontentu ku boso. Mi ke pa boso ta sabí den loke ta bon i inosente pa loke ta trata maldat.

Mateo 11:25

Den e tempu ei Hesus a bisa: ‘Tata, Señor di shelu i di tera! Mi ta gradisí Bo ku Bo a duna esnan simpel konosementu di e kosnan ku Bo a skonde pa esnan sabí i inteligente.

Proverbionan 16:22

Sano huisio ta fuente di bida pa es ku tin e, pero un hende bobo ta kastigá su mes ku su bobedat.

Hoséas 14:9

Es ku ta inteligente, mester paga tinu na e palabranan akí, esun ku tin komprondementu, rekonosé nan. Pasobra kamindanan di SEÑOR ta règt: hende hustu ta sigui e kamindanan ei, pero rebeldenan ta trompeká riba nan.

Proverbionan 10:13

Hende inteligente ta papia palabra sabí, hende bobo meresé sota ku palu.

Proverbionan 10:23

Hende bobo ta gosa ora e hasi kos bochornoso, hende sabí ta gosa di loke tin di aber ku sabiduria.