Proverbionan 13:25 - Papiamentu Bible 2013

²⁵ Hende hustu ta kome keda satisfecho, mal hende ta kome keda ku hamber.

Beibel na Papiamentu Koriente 2013

²⁵ Hende hustu ta kome keda satisfecho, mal hende ta kome keda ku hamber.

Proverbionan 13:25 Referans Kwoze

Salmo 34:10

Leonnan yòn ta pasa hamber i trafat, ma esnan ku ta buska SEÑOR no ta falta ningun bendishon.

Proverbionan 10:3

SEÑOR no ta laga hende honesto keda insatisfecho, amor pa plaka E ta rechasá.

Hebreonan 13:5

No biba pa plaka so, keda kontentu ku loke boso tin. Dios mes a bisa: ‘Mi no ta laga bo nunka bandoná.’

1 Timoteo 4:8

pasobra entrenamentu físiko tin poko balor, pero un bida dediká na Dios tin hopi balor den tur sentido. Di un forma di biba asina bo por spera benefisio tantu den e bida akí komo den esun benidero.

Proverbionan 6:11

Pero pobresa lo ataká bo manera un atrakadó, nesesidat lo asaltá bo manera un ladron armá.

Deuteronomio 32:24

Nan lo muri di hamber, keintura lo kaba ku nan, malesa mortal lo destruí nan. Bestia feros lo asaltá nan, kolebra venenoso lo morde nan.

2 Tesalonisensenan 3:10

En bèrdat, tempu nos tabata huntu ku boso nos a duna boso e siguiente regla: Es ku no ke traha no ta kome!

Salmo 37:16

E poko ku bon hende tin bal mas ku e rikesa enorme di mal hende.

Salmo 37:3

Konfia den SEÑOR, hasi bon, habitá tera i keda fiel.

Deuteronomio 28:48

boso lo mester sirbi boso enemigunan ku SEÑOR lo manda riba boso. Boso lo sufri hamber i set i boso lo no tin paña pa bisti, boso lo tin nesesidat di tur kos. Lo E bisti bo un yugo di heru te ora bo kai bou di e yugo.

Lukas 15:14

Ora el a keda planbarí, hamber grandi a kuminsá reina den e pais ei i e tambe tabata pasa nesesidat.

Salmo 103:5

E ta kolma bo añanan ku biennan, bo hubentut ta renobá manera un águila.

Salmo 132:15

Lo Mi bendishoná su provishonnan, lo Mi yena su pobernan ku pan.

Proverbionan 13:18

Es ku despresiá konseho ta hañ'é ku pobresa i bèrgwensa, es ku aseptá korekshon ta keda respetá.