Proverbionan 11:4 - Papiamentu Bible 2013

⁴ Rikesa no ta yuda dia Dios ta bai kastigá, hustisia ta libra hende di morto.

Beibel na Papiamentu Koriente 2013

⁴ Rikesa no ta yuda dia Dios ta bai kastigá, hustisia ta libra hende di morto.

Proverbionan 11:4 Referans Kwoze

Proverbionan 10:2

Rikesa hañá na manera ilegal no ta duna probecho, honestidat ta libra di morto.

Sofonías 1:18

Riba e dia di SEÑOR su furia ni nan oro i plata no por skapa nan. E ora ei kandela di su furia lo kome henter mundu. Sí, esta teribel lo ta, ora ku definitivamente E kaba ku tur habitante di mundu!

Génesis 7:1

Despues SEÑOR a bisa: ‘Drenta e arka ku henter bo famia, pasobra Mi a mira ku t'abo so ta hustu den e generashon akí.

Ezekiel 7:19

Nan ta tira nan plata riba kaya, nan oro ta yena nan ku repudio. Ni plata ni oro no por skapa nan riba e dia ku Ami, SEÑOR, baha mi ira riba nan. Nan no por mata nan hamber ku nan ni yena nan barika ku nan. Oro i plata a laga nan kai den piká, tabata kousa di nan mal komportashon.

1 Timoteo 4:8

pasobra entrenamentu físiko tin poko balor, pero un bida dediká na Dios tin hopi balor den tur sentido. Di un forma di biba asina bo por spera benefisio tantu den e bida akí komo den esun benidero.

Lukas 12:20

Ma Dios a bis'é lo siguiente: “Hende bobo! Awe nochi mes, bo mester entregá bo bida. E ora ei, pa ken e kosnan ku bo a pone un banda, lo keda?” ’

Mateo 16:26

Ki benefisio un hende tin si e gana henter mundu a kosto di su bida? Pasobra kiko un hende lo por duna komo pago pa su bida?

Romanonan 5:17

A konsekuensia di kaida di un solo hende, morto a kuminsá reina den mundu. Pero kuantu mas Esun hende Hesu-Kristu no a logra! Pasobra pa medio di djE tur hende lo biba, tur hende ku Dios pa puru bondat i abundantemente a duna e regalo di ta aseptá pa Dios.

Proverbionan 12:28

Hustisia ta e kaminda pa bida, un patruli seif kaminda morto n' ta drumi lur.

Proverbionan 6:34

Yalurs por pone esposo di e señora ei bira razu, venga sin tene mizerikòrdia.

Job 20:28

Un lawin'i awa lo inundá su kas, yobida duru lo lastra tur kos bai kuné, dia Dios den su rabia husga pekadónan.

Isaías 10:3

Kiko boso ta hasi dia di duna kuenta, ora tormenta grandi pinta djaleu? Serka ken boso ta bai e ora ei pa pidi yudansa, unda boso ta laga boso rikesanan?

Ezekiel 14:14

Si e tres gran hòmbernan Noe, Daniel i Job lo a biba den un pais asin'ei, nan lo por a skapa solamente nan mes pasobra nan ta hende hustu. Esei Ami ta sigurá bo, Ami, SEÑOR Dios.