Predikador 9:18 - Papiamentu Bible 2013

¹⁸ Mihó ta sabí ku poseé arma, pero un pekadó ta daña hopi kos bon.

Beibel na Papiamentu Koriente 2013

¹⁸ Mihó ta sabí ku poseé arma, pero un pekadó ta daña hopi kos bon.

Predikador 9:18 Referans Kwoze

Yozue 7:5

E habitantenan a mata mas o ménos 36 di nan. E sobránan e habitantenan a persiguí for di porta di stat te na e sitionan kaminda tabata koba saka piedra. Na bahada di seru nan a bati e israelitanan. Esei a pone e pueblo su kurason bira chikí.

Yozue 7:1

E israelitanan no a atené nan na e òrdu di SEÑOR. Un di nan, Akan, a hòrta algun di e kosnan ku nan mester a konsagrá na SEÑOR. P'esei SEÑOR a bira furioso riba e israelitanan. Akan tabata yu di Karmi, ñetu di Zabdi i bisañetu di Zèrag. E tabata pertenesé na tribu di Huda.

Predikador 9:16

Mi a bisa mi mes: ku sabiduria bo ta logra mas ku bo ta logra ku forsa, pero niun hende no tin niun tiki atenshon pa un hòmber sabí ku ta pober; no ta skucha loke e tin di bisa.

2 Timoteo 3:8

Meskos ku Yanes i Yambre a bai kontra Moises, asina e siñadónan falsu akí ta rechasá bèrdat. Nan ta hende mente korumpí ku a frakasá den fe.

Yozue 22:20

Kòrda kon Akan, yu di Zèrag, a peka ora el a kohe loke tabata konsagrá na SEÑOR. Loke el a hasi a pone rabia di SEÑOR lanta kontra henter pueblo di Israel. No ta e hòmber ei so a paga ku su bida pa su maldat!’

2 Reinan 21:2

Manase tabata hasi loke ta malu den bista di SEÑOR. El a sigui ku e mesun práktikanan hororoso di e pueblonan ku SEÑOR a kore kuné pa e israelitanan haña nan tera.

Predikador 2:13

Mi a bin realisá ku mihó bo ta sabí ku bo ta bobo, meskos ku bo tin mas na klaridat ku bo tin na skuridat.

Predikador 7:12

Tantu ku sabiduria komo ku plaka bo ta sinti bo seif. Pero konosementu tin e bentaha akí ku sabiduria ta laga esnan ku gara n'e biba di bèrdat.

1 Samuel 14:30

Lo tabata mihó si e hendenan akí por a kome algu di loke nan a kita for di e enemigu. Tremendo e derota di e filisteonan lo tabata e ora ei!’

Job 35:8

Ta bo próhimo t'esun ku ta sufri ora abo hasi malu, i t'e tin benefisio ora bo ta hustu.

Predikador 7:19

Pa motibu di su sabiduria un hende sabí ta mas fuerte pará ku dies gobernante poderoso.

Predikador 10:1

Meskos ku muska morto ta daña holó di perfume, asina un tiki bobedat ta destruí basta sabiduria.

Predikador 10:10

Si e hacha ta stòmpi i su rant no ta skèrpi, mester di mas forsa, pero sabiduria ta laga bo logra.