Predikador 7:16 - Papiamentu Bible 2013

¹⁶ No hasi nada bon di mas, ni sea sabí di mas — pakiko destruí bo mes?

Beibel na Papiamentu Koriente 2013

¹⁶ No hasi nada bon di mas, ni sea sabí di mas — pakiko destruí bo mes?

Predikador 7:16 Referans Kwoze

Romanonan 12:3

Dios a duna mi un enkargo, p'esei mi por bisa kada un di boso: no pensa ku boso ta mas di loke boso ta, pero sea realístiko. Kada ken mester tin un konsepto humilde di su mes, di akuerdo ku e midí di fe ku Dios a dun'é.

Proverbionan 25:16

Si bo a topa algu di kome ku ta dushi, no kome di mas, p'e no repugná bo pone bo arohá.

Kolosensenan 2:18

No preokupá tampoko antó, ora sierto hende kondená boso, hende ku ta kana broma ku nan ta humiliá nan mes, ku nan ta adorá angel i mira vishon ekstátiko. Hende asina ta broma ku un manera di pensa humano, pero e no tin niun motibu pa hasi esei!

Kolosensenan 2:23

E reglanan ei, ku nan sistema ku hende a inventá pa adorá Dios, práktika di humildat falsu i trato severo di kurpa, por parse di ta basá riba sabiduria. Pero en realidat niun di nan no ta sirbi pa dominá deseo pekaminoso.

1 Korintionan 3:18

No gaña boso mes. Si un di boso ta sintié sabí segun norma di e mundu akí, lag'é bira un hende loko segun mundu pa e por bira un sabio di bèrdat!

Predikador 12:12

Mi yu, tene kuidou ku esnan ku ke duna bo mas riba loke bo a siña kaba. Por sigui skibi buki ketu bai i hopi estudio ta kansamentu di kurpa.

Génesis 3:6

E muhé a ripará kon bunita e palu tabata i ku su fruta lo a baha bon. El a haña gana di kom'é pa asina e haña sabiduria. El a kohe un fruta i a kom'é. El a duna su kasá ku tabata huntu kuné i esei tambe a kome.

Lukas 18:12

Mi ta yuna dos bia pa siman i ta duna un désimo di mi entrada.”

Proverbionan 23:4

No mata kurpa pa bira riku, usa bo sintí.

1 Timoteo 4:3

E hendenan akí ta prohibí kasamentu i komementu di sierto kuminda. Pero Dios a krea e kosnan ei pa e kreyentenan i pa esnan ku konosé bèrdat aseptá nan ku gradisimentu na Dios.

Filipensenan 3:6

Mi a mustra mi zelo dor di persiguí iglesia; pa loke ta trata kumplimentu ku lei, niun hende no tin nada di remarká.

1 Korintionan 3:20

Tambe tin un otro pasahe den Skritura ta bisa: ‘Señor sa ku pensamentu di e hòmber sabí ta manera bientu.’

Romanonan 11:25

Rumannan, tin un sekreto ku mi ke pa boso sa, pa boso no kere ku boso ta sabí. Un parti di e israelitanan su kurason a bira duru i lo keda duru te ora e kantidat di no hudiu ku mester haña salbashon drenta.

Mateo 9:14

Despues e disipelnan di Huan Boutista a aserká Hesus i puntr'É: ‘Pakiko nos i e fariseonan ta yuna hopi i bo disipelnan no?’

Job 28:28

I Dios a bisa hende: “Rèspèt di Dios, t'esei ta sabiduria; evitá maldat, t'esei ta komprondementu.” ’

Job 11:12

Pero asta un hende kabes di pal'i maishi por haña sintí; al fin i al kabo no ta tur hende na kuminsamentu ta tèrko manera burik'i mula?

Revelashon 18:19

Nan a stroi tera riba nan kabes i a grita. Nan a yora, keha i bisa: ‘Horibel, esta horibel! E siudat grandi ei! Tur doño di barku a bira riku dor di su tesoronan. Den un ora e tesoronan a kaba na nada.

Romanonan 10:2

Mi por testiguá na nan fabor ku nan tin zelo pa Dios, pero ku e no ta basá riba konosementu berdadero di Dios.

Mateo 23:38

Mira! Boso tèmpel lo keda bandoná i bashí.

Mateo 23:29

Ai di boso, dòktornan di lei i fariseonan! Hipókritanan! Boso ta traha graf mashá bunita pa e profetanan i boso ta dekorá Monumento na honor di esnan ku a biba hustu.

Mateo 23:5

Nan ta hasi tur kos pa hende mira; mira kon hanchu nan kahitanan di orashon i kon largu e kuashinan di nan paña ta.