Predikador 3:1 - Papiamentu Bible 2013

¹ Tur kos tin su ora i su tempu, tur kos aki na mundu:

Beibel na Papiamentu Koriente 2013

¹ Tur kos tin su ora i su tempu, tur kos aki na mundu:

Predikador 3:1 Referans Kwoze

Predikador 3:17

P'esei mi ta bisa ku Dios lo husga e hòmber hustu i e mal hende, pasobra tur kos ku pasa i tur loke hende hasi tin su tempu.

Mateo 16:3

Anto mainta trempan boso ta bisa: “Ta bai tin mal tempu, pasobra shelu ta kòrá i skur.” Boso por wak shelu i bisa ki sorto di wer ta na kaminda, ma e señalnan ku ta tuma lugá den e tempu akí boso no por interpretá.

Predikador 7:14

Sea felis, ora ta bai bo bon; pero ora ta bai bo malu, tuma na konsiderashon ku Dios a traha tantu esun komo e otro. Ta p'esei hende no por deskubrí nada tokante nan futuro.

2 Reinan 5:26

Pero Eliseo a bis'é: ‘Mi no tabata huntu ku bo den mi pensamentu, ora un hòmber a baha for di su garoshi bin kontra bo? Esaki no tabata e momento pa probechá tuma paña i aseptá plata pa asina bo kumpra hòfi di palu di oleifi, kunuku di wendrùif, karné i baka i katibu hòmber i muhé!

Proverbionan 15:23

Ta dushi pa haña un kontesta korekto, i mas ainda ora e ta nèt na ora.

Predikador 2:3

Miéntras sabiduria tabata guia mi mente ainda, mi a buska manera pa zeta mi kurpa ku bibida i a brasa bobedat, te ora mi por a mira kiko ta bon pa hende mortal hasi durante e tiki dianan di nan bida aki riba mundu.

Predikador 2:17

I mi a haña asko di bida, mi a eksperensiá tur e matamentu di kurpa aki na mundu manera un mizeria grandi, pasobra tur kos ta ilushon i un hungamentu di kore kue ku bientu.

2 Krónikanan 33:12

Den e situashon prekario akí el a purba plakia rabia di SEÑOR, Dios di su antepasadonan, dor di rekonosé su faltanan humildemente.

Predikador 1:13

Mi a disidí di studia i eksplorá tur loke a sosodé aki na mundu pa medio di sabiduria; loke Dios a duna hende pa okupá nan kuné ta un tarea diario hopi pisá.

Proverbionan 24:27

Prepará bo trabou den kunuku, prepará tur kos pa planta; e ora ei numa bo por bai pensa na traha kas pa kuminsá ku un famia.

Yeremías 46:17

Pa loke ta toka fárao, rei di Egipto, dun'é un nòmber nobo numa: “Hopi skuma, poko chukulati. El a pèrdè su chèns.”