Predikador 2:16 - Papiamentu Bible 2013

¹⁶ Pasobra n' ta keda kòrda semper riba un hende, sea ku e tabata sabí òf bobo. Ta lubidá tur dos vapvap. Ku hende ta sabí òf bobo, muri nos tur ta muri.

Beibel na Papiamentu Koriente 2013

¹⁶ Pasobra n' ta keda kòrda semper riba un hende, sea ku e tabata sabí òf bobo. Ta lubidá tur dos vapvap. Ku hende ta sabí òf bobo, muri nos tur ta muri.

Predikador 2:16 Referans Kwoze

Predikador 1:11

No tin niun hende ku ta kòrda mas riba e hendenan ku a biba promé ku nos i e hendenan ku lo biba despues di nos tampoko lo no kòrda riba esnan ku a biba promé ku nan.

Predikador 9:5

Hende bibu sa sikiera ku nan ta muri, pero e mortonan no sa nada mas. Nan no tin nada mas di spera, asta nan nòmber hende ta lubidá.

Salmo 88:12

Den e tiniebla ei nan sa di bo milagernan, di bo hustisia den e tera di olvido?

Éksodo 1:8

A bini un rei nobo na Egipto, ku nunka a yega di tende di Jozef.

Hebreonan 9:27

Hende mester muri un bia i despues huisio ta bini.

Malakías 3:16

E ora ei esnan ku tabatin rèspèt di Dios a papia ku otro. SEÑOR a skucha nan ku atenshon i su dilanti El a laga skibi un buki konmemorativo, den kua a skibi nòmber di esnan ku tabatin rèspèt di djE i tabata tene kuenta kunÉ.

Predikador 6:8

Ki bentaha hende sabí tin riba hende bobo? Kiko un hende pober ta gana si e sa kon e tin ku komport'é dilanti di otro hende?

Predikador 2:14

Un hòmber sabí ta mira loke e ta hasi, pero un hòmber bobo ta dualu den skuridat. Pero na mes tempu mi a determiná ku ta mesun kos ta warda nan dos.

Salmo 103:16

Ku bientu pasa riba dje, e n' t'ei mas, su pida tera no sa nada mas di dje.

Salmo 49:10

Ta bisto ku hende sabí mester muri, bobo i loko pareu ta peresé: nan tin ku laga nan rikesa pa otronan.

2 Samuel 3:33

E rei a kanta e siguiente lamento pa Abner: ‘Abner, pakiko bo mester a muri un morto sokete asina?

Éksodo 1:6

Despues di tempu Jozef, tur su rumannan i sobrá di e generashon a muri.

Predikador 2:15

E ora ei mi a pensa den mi mes: si ta mesun kos ta warda mi ku kualke hende kabes habrí, ta pakiko mi a hasi tantu esfuerso asina pa mi bira sabí? I mi a konkluí pa mi mes: Na esaki tambe bo ta mira ku bida ta un ilushon.

Predikador 7:2

Mihó bai kas mortuorio ku bai kas di fiesta. Pasobra pa tur hende bida ta kaba ku nan entiero; hende bibu mester keda kòrda e kos akí.

Predikador 8:10

Ademas mi a mira ku hende ku hasi maldat ta haña entiero, pero hende ku biba bon tin ku bai for di e lugá sagrado i ta lubidá riba nan den siudat. Esei tambe ta apsurdo.

Predikador 9:15

Awor tabata biba den e siudat ei un hòmber pober pero sabí, i ku su sabiduria e lo por a salba e siudat, pero niun hende no a kòrda riba e hòmber pober ei.

Proverbionan 14:8

Sabiduria ta: sa kon aktua, bobedat ta: no sa ku ta gaña bo ta gaña bo mes.