Predikador 1:15 - Papiamentu Bible 2013

¹⁵ Loke ta hechu no por bira bèrdè mas, i no por konta loke no ta eksistí.

Beibel na Papiamentu Koriente 2013

¹⁵ Loke ta hechu no por bira bèrdè mas, i no por konta loke no ta eksistí.

Predikador 1:15 Referans Kwoze

Isaías 40:4

Lo yena tur vaye i baha kada seru i seritu; lo paria partinan ku no ta kore pareu, e region yená ku piedra i baranka lo bira un lugá lizu.

Predikador 3:14

Mi a mira ku tur kos ku Dios hasi ta keda meskos; no tin nada di añadí ni nada di kita afó; Dios a traha nan asina, pasobra Dios ke pa hende tene rèspèt di djE.

Mateo 6:27

Ni maske kuantu boso preokupá, ta kua di boso lo por rèk su bida niun krenchi?

Lamentashonnan 3:37

Ken tin ku papia djis ún palabra so pa algu sosodé? Akaso tur kos no ta sosodé riba òrdu di Señor?

Job 34:29

Si Dios disidí di no hasi nada mes, niun hende lo no por kritik'É. Dios ta usa asta hende mentiroso, ku ta bruha otro hende i E ta laga nan goberná nashonnan.

Job 11:6

Mare E por splika bo kuantu sabiduria impenetrabel E tin, kon inkomprensibel tur kos ku E hasi ta. E ora ei lo bo realisá ku ni kastigá E no a kastigá bo sufisiente pa loke bo a hasi.

Daniel 4:35

Kompará kunÉ, hende no ta nada; E ta hasi manera E ke ku podernan di shelu i ku habitantenan di tera. No tin ningun hende ku por bai kontra su poder, ni ku por reklam'É loke E ta hasi.

Predikador 7:25

Mi a hasi tur kos pa haña konosementu i a yega awor na un konklushon. Mi mester por a mira tòg, ku esun ku ta inhustu ta bobo i ku esun ku no ta tende di Dios n' ta nada mas ku dònferstan.

Yeremías 13:23

Habitantenan di Herusalèm, akaso un etiopiano pretu por kambia su koló, un leopardo por kita e pintá ku e ta? Naturalmente ku nò! Asina boso tampoko no por kambia, boso no por stòp ku maldat i kuminsá hasi kos bon.