Numbernan 9:14 - Papiamentu Bible 2013

¹⁴ Si un strañero ku ta biba serka boso ke selebrá fiesta di Pésag na honor di SEÑOR, e mester tene kuenta ku henter lei di selebrashon di Pésag. Pa nan i pa esnan nasé israelita e mesun leinan ta konta.’

Beibel na Papiamentu Koriente 2013

¹⁴ Si un strañero ku ta biba serka boso ke selebrá fiesta di Pésag na honor di SEÑOR, e mester tene kuenta ku henter lei di selebrashon di Pésag. Pa nan i pa esnan nasé israelita e mesun leinan ta konta.’

Numbernan 9:14 Referans Kwoze

Levítiko 24:22

Un lei tin! Anto e mesun lei ta konta tantu pa strañero komo pa israelita, pasobra Mi ta SEÑOR, boso Dios.’

Deuteronomio 31:12

Yama e pueblo huntu e ora ei: hende hòmber, hende muhé, mucha i e strañeronan ku ta biba den boso siudatnan. Nan mester skucha i siña tin rèspèt di SEÑOR, boso Dios, di manera ku nan ta kumpli kuidadosamente ku e stipulashonnan di e lei akí.

Deuteronomio 29:11

boso yunan, boso hende muhénan i e strañeronan den boso kampamentu, tantu e kapdónan di palu komo e kargadónan di awa.

Levítiko 25:15

Ora di kumpra òf bende tereno mester tene kuenta ku e añanan ku a pasa despues di e delaster aña di hubileo i di mes tambe ku e añanan di kosecha ku falta te e siguiente aña di hubileo.

Levítiko 22:25

Tampoko no kumpra bestia mutilá asina serka un strañero pa ofres'é komo kuminda n'Ami, boso Dios. E mutilashon ku nan a sufri ta konta pa un defekto, di manera ku Mi no ta aseptá nan di boso.’

Levítiko 19:10

No bolbe pasa den hòfi di wendrùif kita e wendrùifnan ku boso a lubidá, ni piki tur esnan ku a kai abou. Laga nan pa e hendenan pober i e strañeronan. Ami ta SEÑOR, boso Dios.

Éksodo 12:43

SEÑOR a bisa Moises i Aaron: ‘Esaki ta e reglanan pa selebrá fiesta di Pésag. No ta pèrmití ningun strañero tuma parti na e komementu di Pésag.

Éksodo 12:47

Henter komunidat di Israel mester selebrá e fiesta akí.

Numbernan 15:15

E regla lo ta meskos pa tur miembro di komunidat: pa boso, israelitanan, i tambe pa e strañeronan ku ta biba serka boso. Lo e ta bálido pa tur generashon benidero. Ami, SEÑOR, ta trata israelita ku strañero meskos.

Numbernan 15:16

Ke men anto ku mesun lei i mesun regla ku ta konta pa boso, ta konta pa e strañero ku ta biba serka boso tambe.’

Esdras 6:21

No solamente e israelitanan, ku a bolbe for di den eksilio, a kome di e lamchi di Pésag, pero tambe e habitantenan di e pais ku a uni ku nan pa adorá SEÑOR, Dios di Israel, i ku a distansiá nan mes for di e práktikanan pagano.