Numbernan 5:18 - Papiamentu Bible 2013

¹⁸ Kaba e mester habri kabei di e muhé i dun'é e ofrenda vegetal den su man. E mes ta tene e poron ku e awa ku ta trese amargura i maldishon riba e kulpabelnan den su man.

Beibel na Papiamentu Koriente 2013

¹⁸ Kaba e mester habri kabei di e muhé i dun'é e ofrenda vegetal den su man. E mes ta tene e poron ku e awa ku ta trese amargura i maldishon riba e kulpabelnan den su man.

Numbernan 5:18 Referans Kwoze

Hebreonan 13:4

Tur hende respetá matrimonio, i esposo i esposa keda fiel na otro. Pasobra Dios lo husga esnan ku ta praktiká inmoralidat seksual i ta kometé adulterio.

1 Korintionan 11:6

Pasobra si un hende muhé no tapa su kabes, lag'é feit'é antó! Pero si e ta haña ku kòrta kabei òf feita su kabes ta algu bergonsoso, lag'é tap'é antó!

Yeremías 2:19

Bo propio krímen ta bira bo desgrasia, bo infieldat na Mi, bo kondenashon. Lo bo realisá, kon malu, kon marga ta ora bo bira lomba pa SEÑOR, bo Dios, i pèrdè rèspèt pa Mi.’ Asina SEÑOR, Dios Soberano ta bisa.

Isaías 38:17

Sigur, mi sufrimentu tan amargo tabata pa mi mes bon. Bo a rondoná mi ku bo amor tierno, salba mi for di graf i tira tur mi pikánan tra'i bo lomba.

Predikador 7:26

Mi a topa un kos ku ta mas malu ku morto: un muhé ku ta pone trampa ku su kurason i ta gara tene ku su brasanan. Es ku ta agradá Dios ta skapa di e muhé ei, pero un pekadó ta kai den su trampa.

Proverbionan 5:4

Pero ora bo tuma aden kuné, e ta marga manera sentebibu, skèrpi manera un nabaha.

1 Samuel 15:32

Despues Samuel a ordená: ‘Trese Agag, rei di Amalèk, pa mi.’ Agag a presentá bon konfiá dilanti di Samuel pensando ku ya e smak marga di morto a disparsé. Pero Samuel a bis'é: ‘Manera bo spada a laga hopi muhé sin yu, sin yu bo mama tambe lo keda.’

Deuteronomio 29:18

No laga pa ningun di boso, ni hòmber, ni muhé, ni famia, ni tribu, awe bira lomba pa SEÑOR, nos Dios, bai adorá e diosnan di e nashonnan ei! No laga ningun di boso bira manera un mata ku ta produsí venenu marga.

Numbernan 5:17

kohe un poron ku awa sagrado i basha poko stòf di suela di tènt di enkuentro aden.

Numbernan 5:15

Den tur dos kaso e hòmber mester bai ku su esposa serka saserdote i hiba komo ofrenda mas o ménos dos kana di hariña di sebada. E no mag meskla e hariña ku zeta ni pone sensia aden, pasobra ta un ofrenda hasí pa motibu di sospecho i ku mester saka bèrdat na kla.

Levítiko 13:45

E leproso mester kana ku paña isker, laga su kabei habrí, tapa su mustashi i barba i grita: “Mi ta impuru, mi ta impuru”.

1 Korintionan 11:15

Pero pa un hende muhé laga su kabei krese bira largu ta un honor, pasobra el a haña kabei largu pa tapa su kabes.

Numbernan 5:19

E ora ei saserdote ta laga e muhé konsentí bou di huramentu ku e siguiente maldishon. Lo e bisa: “Si bo no a hasi bo mes impuru, pasobra abo komo muhé kasá no a tene relashon seksual ku otro hòmber, e awa ku ta trese amargura i maldishon lo no hasi bo daño.