Numbernan 31:6 - Papiamentu Bible 2013

⁶ E ora ei Moises a laga nan ranka sali, mil di kada tribu, huntu ku Pinhas, yu hòmber di saserdote Eleazar. Pinhas tabata karga e ophetonan sagrado i e tròmpètnan pa duna señal.

Beibel na Papiamentu Koriente 2013

⁶ E ora ei Moises a laga nan ranka sali, mil di kada tribu, huntu ku Pinhas, yu hòmber di saserdote Eleazar. Pinhas tabata karga e ophetonan sagrado i e tròmpètnan pa duna señal.

Numbernan 31:6 Referans Kwoze

Numbernan 14:44

Kaprichoso manera nan tabata, nan a subi seru tòg, pero e arka di aliansa i Moises no a sali for di kampamentu.

2 Samuel 11:11

Urías a bisa David: ‘E arka di aliansa i e ehérsito di Israel i Huda ta biba den tènt, mi shon Yoab i e òfisirnan spesial di mi shon rei ta kamper den fèlt; rei ta kere ku mi por bai kas bai kome, bebe i drumi ku mi kasá? Nunka di bo bida mi no ta hasi esei!’

1 Samuel 23:9

Pero ora David a haña sa ku Saul tabata pensa pa hasié daño, el a bisa e saserdote Abyatar: ‘Trese e efod pa mi.’

1 Samuel 14:18

I komo e dia ei e arka di Dios tabata serka e israelitanan, Saul a bisa Ahías: ‘Trese e arka di Dios aki!’

1 Samuel 4:17

E mensahero a kontestá: ‘E israelitanan a hui pa e filisteonan. Nos pueblo a sufri un derota grandi, bo dos yu hòmbernan, Hofni i Pinhas, tambe a muri i arka di Dios a kai den poder di e filisteonan.’

Éksodo 25:9

Traha e tènt i tur loke mester bini aden presis manera e modelo ku Mi ta laga bo mira.

Numbernan 31:5

Asina a skohe mil hòmber for di kada tribu, na total 12.000 hòmber bon itrein pa bataya.

Yozue 22:13

E israelitanan a manda saserdote Pinhas, yu di Eleazar, bai Guilead serka e tribunan di Ruben i Gad i e mitar tribu di Manase.

Deuteronomio 20:2

Djis promé ku e bataya kuminsá e saserdote mester bai para dilanti i papia asin'akí ku pueblo: