Numbernan 3:6 - Papiamentu Bible 2013

⁶ ‘Yama e hende hòmbernan di tribu di Levi huntu i bai ku nan serka saserdote Aaron, pa nan yud'é.

Beibel na Papiamentu Koriente 2013

⁶ ‘Yama e hende hòmbernan di tribu di Levi huntu i bai ku nan serka saserdote Aaron, pa nan yud'é.

Numbernan 3:6 Referans Kwoze

Malakías 2:4

E ora ei boso lo realisá ku Mi a duna e mandamentu akí pa mantené e aliansa ku Mi a sera ku boso antepasado Levi,’ SEÑOR di universo ta bisa.

Deuteronomio 10:8

Den e tempu ei SEÑOR a skohe tribu di Levi pa un tarea spesial, esta pa karga arka di aliansa di SEÑOR, pa sirbi den santuario i pa duna bendishon den su nòmber. I asina ta ketu bai te dia djawe.

Numbernan 2:33

Manera SEÑOR a ordená Moises, no a konta e levitanan komo tribu apart.

Numbernan 2:17

Kampamentu di e levitanan ku tènt di enkuentro ta sali meimei di e otro kampamentunan. E kuater kampamentunan ta kana tras di otro den e sekuensia ku nan a kamper i bou di nan mes bandera.

Numbernan 3:5

SEÑOR a bisa Moises:

1 Krónikanan 23:32

E levitanan tin ku perkurá tambe pa e tènt di enkuentro i e santuario pasobra nan mester yuda nan famianan, desendientenan di Aaron, ora di sirbishi den tèmpel.’

2 Krónikanan 29:11

Mi yunan, no sigui deskuidá boso deber, pasobra ta boso SEÑOR a skohe pa sirbiÉ den su tèmpel i ofresé sakrifisio n'E.’

Esdras 6:18

Nan a parti e saserdotenan i e levitanan den diferente grupo pa hasi nan trabou den sirbishi di Dios na Herusalèm, segun ta preskribí den buki di Moises.

Numbernan 18:21

Mi ta duna e levitanan privilegio di haña e désimo parti di kada kosecha i di kada bestia ku nase. Esei nan ta haña komo pago pa nan servisio den tènt di enkuentro.

1 Krónikanan 6:33

Esun ku tabata hasi e trabou akí di tata pa yu tabata Heman, Asaf i Etam. Heman di famia di Kehat tabata lider di e promé grupo di kantor. E tabata yu di Yoel, ñetu di Samuel.

1 Krónikanan 15:2

Ora el a kaba, el a duna e siguiente òrdu: ‘E levitanan so mag karga e arka di aliansa, pasobra ta nan Dios a skohe pa hasi esei i pa sirbiÉ semper.’

1 Krónikanan 23:28

Na lugá di esei, nan mester yuda e saserdotenan, desendiente di Aaron, ora di sirbishi den tèmpel. Nan ta responsabel pa kuido di e plenchi i kambernan. Nan mester perkurá pa e ophetonan sagrado ta limpi. Tambe nan ta responsabel pa tur otro trabou ora di sirbishi den tèmpel.