Numbernan 28:9 - Papiamentu Bible 2013

⁹ Ofresé riba dia di sabat dos lamchi di karné chubatu di un aña, sin defekto, i un ofrenda vegetal di kuater kilo di hariña fini mesklá ku zeta; hasi tambe un ofrenda di biña.

Beibel na Papiamentu Koriente 2013

⁹ Ofresé riba dia di sabat dos lamchi di karné chubatu di un aña, sin defekto, i un ofrenda vegetal di kuater kilo di hariña fini mesklá ku zeta; hasi tambe un ofrenda di biña.

Numbernan 28:9 Referans Kwoze

Isaías 58:13

Si bo stòp di trapa sabat ku pia i di kore tras di bo mes probecho riba e dia ku pa kolmo ta konsagrá na Mi, si sabat ta pa bo un dia di legria, un dia sagrado na mi honor, si bo honr'é, dor di laga bo kosnan di hasi pa despues, stòp di bringa pa bo probecho i no sigui papia di negoshi sin fin,

Revelashon 1:10

Aya Spiritu di Dios a poderá di mi riba dia di Señor, i mi a tende un stèm duru mi tras ku a zona manera tròmpèt:

Ezekiel 20:12

Tambe Mi a duna nan e dia di sabat pa ta un señal pa nan di e relashon entre nan ku Mi, pa nan lo a kòrda ku Ami, SEÑOR, ta dediká nan na Mi.

Numbernan 28:8

Ofresé e otro lamchi ora nochi ta bai sera, ku e mesun ofrenda vegetal i e mesun ofrenda di biña di mainta. Ta un sakrifisio di kuminda, ku un holó agradabel pa SEÑOR.

Numbernan 28:10

Serka e sakrifisio di kandela di sabat ei ta bini e sakrifisio di kandela di tur dia i e ofrenda di biña ku ta pertenesé n'e.

2 Krónikanan 2:4

Mi tin idea di traha un tèmpel, e mester ta konsagrá na SEÑOR, mi Dios. Aya nos mester kima sensia di holó dushi p'E i sòru pa semper e pan konsagrá ta kla poné. Tur mainta i tur anochi nos mester ofres'É sakrifisio di kandela, spesialmente riba dia di sabat, riba fiesta di Luna Nobo i riba e otro dianan di fiesta di SEÑOR, nos Dios. Komo israelita esaki ta nos obligashon.

2 Krónikanan 8:13

E tabata tene kuenta ku e reglanan ku Moises a stipulá pa sierto dianan di fiesta, esta dianan di sabat, fiestanan di Luna Nobo i e tres fiestanan grandi ku ta selebrá tur aña: Fiesta di Pan sin Zürdeg, Fiesta di Sinkuenta Dia i e Fiesta di Ramada.

Ezekiel 46:4

E sakrifisio di kandela ku e gobernante mester ofresé Mi riba sabat, mester konsistí di seis lamchi di karné i un chubat'i karné, bestianan sin niun defekto.

2 Reinan 4:23

‘Di kon ta awe bo ke bai?’ su kasá a puntr'é. ‘No ta luna nobo ni dia di sabat.’ Ma el a kontestá: ‘Keda bo trankil.’

2 Krónikanan 2:3

E ora ei Salomon a manda bisa Hiram, rei di Tiro: ‘Hasi pa mi meskos ku bo a hasi pa mi tata David; bo a manda palu di seder pa e traha un kas pa e mes biba.