Numbernan 28:3 - Papiamentu Bible 2013

³ ‘Bisa nan: Ofresé SEÑOR tur dia e siguiente sakrifisio di kuminda: dos lamchi chubatu di karné di un aña, sin defekto, komo sakrifisio di kandela;

Beibel na Papiamentu Koriente 2013

³ ‘Bisa nan: Ofresé SEÑOR tur dia e siguiente sakrifisio di kuminda: dos lamchi chubatu di karné di un aña, sin defekto, komo sakrifisio di kandela;

Numbernan 28:3 Referans Kwoze

Levítiko 6:9

pa e duna Aaron i su yunan e siguiente instrukshonnan tokante sakrifisio di kandela: ‘Mester laga e bestia sakrifiká henter anochi riba altá, miéntras e kandela ta keda sendé tur e tempu.

Revelashon 13:8

Tur habitante di mundu lo ador'é, tur ku nan nòmber no ta skibí for di kreashon di mundu den e buki di bida, buki di e Lamchi matá.

Huan 1:29

E dia siguiente Huan a mira Hesus ta bini serka dje. El a bisa: ‘Ata e Lamchi di Dios, ku ta kita piká di mundu!

Daniel 12:11

For di e momento ku nan pone fin na sakrifisio diario i lanta un kos repugnante ku ta trese destrukshon, lo pasa 1290 dia.

Daniel 11:31

E ora ei e ta lanta gruponan di bataya, ku ta profaná e santuario i su fòrti. Nan ta para e sakrifisionan diario i ta lanta un kos repugnante ku ta trese destrukshon.

Daniel 8:13

E ora ei mi a tende un angel papia. Un otro angel a puntr'é: “Kuantu tempu e susesonan anunsiá den e vishon tokante e sakrifisio diario i e sirbishi pekaminoso i desastroso den tèmpel lo dura? Durante kuantu tempu nan lo profaná tèmpel i trapa podernan selestial?”

Hebreonan 9:6

Asina anto a drecha e santuario. Regularmente e saserdotenan ta drenta e parti di mas dilanti di e tènt pa hasi nan trabou.

Levítiko 3:5

E saserdotenan ta pone tur e sebu ei riba altá pa kim'é huntu ku e sakrifisio di kandela ku tin riba e palunan sendé. Asina lo e ta un sakrifisio di kuminda ku un holó agradabel pa SEÑOR.

Numbernan 28:4

ofresé esun mainta i e otro ora nochi ta bai sera.

Numbernan 28:10

Serka e sakrifisio di kandela di sabat ei ta bini e sakrifisio di kandela di tur dia i e ofrenda di biña ku ta pertenesé n'e.

Numbernan 28:15

Banda di e sakrifisio di kandela di tur dia ku e ofrenda di biña ku ta pertenesé n'e, boso mester ofresé e dia ei na SEÑOR un chubatu komo sakrifisio pa pordon di piká.

Numbernan 28:23

Ofresé tur eseinan banda di e sakrifisio di kandela ku ta ofresé tur mainta.

Numbernan 28:24

Shete dia largu, ofresé asina tur dia, un sakrifisio di kuminda ku un holó agradabel pa SEÑOR, banda di e sakrifisio di kandela di tur dia ku e ofrenda di biña ku ta pertenesé n'e.

Numbernan 28:31

Ofresé e sakrifisionan akí banda di e sakrifisio di kandela i e ofrenda vegetal di tur dia ku ta pertenesé n'e; e bestianan pa sakrifisio mester ta sin defekto.

Numbernan 29:6

Ofresé tur eseinan huntu ku e sakrifisio di kandela di tur luna i di tur dia i huntu ku e ofrendanan vegetal i ofrendanan di biña ku segun instrukshon ta pertenesé na nan. Ta un sakrifisio di kuminda ku un holó agradabel pa SEÑOR.

Numbernan 29:11

Ofresé tambe un chubatu komo sakrifisio pa pordon di piká, aparte di e sakrifisio pa pordon di piká pa drecha tur kos entre boso i Dios, di e sakrifisio di kandela, di e ofrenda vegetal i di e ofrendanan di biña ku ta pertenesé na nan.

Numbernan 29:16

Ofresé tambe un chubatu komo sakrifisio pa pordon di piká aparte di e sakrifisio di kandela di tur dia, e ofrenda vegetal i e ofrenda di biña ku ta pertenesé n'e.

1 Krónikanan 16:40

Tur mainta i tur anochi nan mester a ofresé sakrifisio na SEÑOR riba e altá di sakrifisio di kandela. Nan mester a atené nan na tur e reglanan ku SEÑOR a preskribí den su lei pa Israel.

2 Krónikanan 8:13

E tabata tene kuenta ku e reglanan ku Moises a stipulá pa sierto dianan di fiesta, esta dianan di sabat, fiestanan di Luna Nobo i e tres fiestanan grandi ku ta selebrá tur aña: Fiesta di Pan sin Zürdeg, Fiesta di Sinkuenta Dia i e Fiesta di Ramada.

Esdras 3:5

For di e tempu ei nan tabata ofresé e sakrifisionan diario di kandela, di luna nobo i di tur fiesta sagrado di SEÑOR, tambe sakrifisio ku e hendenan tabata ofresé SEÑOR boluntariamente.

Amos 4:4

SEÑOR Dios ta bisa: ‘Bini Betel numa, e lugá sagrado, i lanta kontra Mi, bai e santuario di Guilgal i lanta kontra Mi ku tur ku tin, si t'esei ta boso antoho. Ai sí, trese boso bestianan mainta numa komo sakrifisio i bini su manisé ku e désimo parti di kosecha.

Daniel 8:11

Asta kontra Dios, Prínsipe di e podernan selestial, el a alsa su mes. El a prohibí sakrifisio diario na honor di Dios i el a profaná tèmpel.