Numbernan 23:13 - Papiamentu Bible 2013

¹³ Riba esaki Balak a kontest'é: ‘Ban ku mi un otro lugá, for di kaminda bo por mira nan; no henter e pueblo wèl, pero tòg un parti; i for di e lugá ei bo mester maldishoná nan.’

Beibel na Papiamentu Koriente 2013

¹³ Riba esaki Balak a kontest'é: ‘Ban ku mi un otro lugá, for di kaminda bo por mira nan; no henter e pueblo wèl, pero tòg un parti; i for di e lugá ei bo mester maldishoná nan.’

Numbernan 23:13 Referans Kwoze

Salmo 109:17

El a stima maldishon: lag'é kai riba dje! El a nenga bendishon: wèl, e keda leu!

Mikéas 6:5

Mi pueblo, no lubidá kon Balak, yu di Moab, ker a perhudiká boso i kon Bileam, yu di Beor, a kontrarest'é, bisando ku ta kos bon so Ami sa hasi pa boso. No lubidá tampoko kon boso a logra krusa Riu Yordan na kaminda di Shitim pa Guilgal. Konsiderando tur esaki boso no por hasi nada otro sino atmití ku Mi ta un Dios, ku ta buska benefisio di su pueblo.'

1 Reinan 20:28

E ora ei e profeta a bolbe bai serka rei di Israel i a dun'é e siguiente mensahe di SEÑOR: ‘Pasobra e arameonan a bisa ku Mi ta un Dios ku por bringa bon den serunan so i den sabana nò, Mi ta bai entregá henter e ehérsito poderoso ei den bo man, pa boso sa ku Mi ta SEÑOR.’

1 Reinan 20:23

E ofisialnan di rei di Aram a bis'é: ‘E israelitanan por a gana nos, pasobra nan Dios ta un Dios ku tin poder den serunan so, ma si nos bringa kontra nan den sabana, sigur sigur nos lo ta mas fuerte ku nan.

Yozue 24:9

E ora ei Balak, yu di Sipor, rei di Moab, a sali bai bringa kontra boso. El a manda yama Bileam, yu di Beor, pa maldishoná boso.

Numbernan 22:41

Su manisé Balak a bai Bamot-Baal ku Bileam, kaminda Bileam por a mira un parti chikitu di e israelitanan.

Numbernan 23:12

Bileam a kontestá: ‘N' ta solamente loke SEÑOR pone den mi boka mi por bisa?’

Numbernan 23:14

El a bai kuné na un plèki riba kabes di Pisga kaminda por wak te leu; ei Balak a bolbe konstruí shete altá i a ofresé un toro ku un chubatu di karné riba kada altá.

Numbernan 22:6

Por fabor, bin maldishoná e pueblo ei pa mi, pasobra nan ta mas fuerte ku nos. Podisé nos por derotá nan e ora ei i saka nan for di pais; pasobra mi sa ku es ku bo bendishoná ta haña bendishon i ku maldishon lo kai riba ken ku bo maldishoná.’