Numbernan 23:12 - Papiamentu Bible 2013

¹² Bileam a kontestá: ‘N' ta solamente loke SEÑOR pone den mi boka mi por bisa?’

Beibel na Papiamentu Koriente 2013

¹² Bileam a kontestá: ‘N' ta solamente loke SEÑOR pone den mi boka mi por bisa?’

Numbernan 23:12 Referans Kwoze

Numbernan 22:38

Pero Bileam a bisa Balak: ‘Mi a bini awor wèl serka bo, pero mi no sa ku lo mi por bisa algu. Loke SEÑOR pone den mi boka, esei lo mi bisa.’

Numbernan 24:13

“Maske Balak duna mi tur oro ku tur plata di su kas, di ningun manera mi no por keda sin kumpli ku òrdu di SEÑOR. Mi por bisa solamente loke SEÑOR bisa mi.”

Numbernan 23:26

Bileam a kontest'é: ‘Mi no a bisa bo ku lo mi hasi tur loke SEÑOR ordená mi?’

Numbernan 23:20

El a duna mi òrdu pa bendishoná i si El a bendishoná, ami no por kita e bendishon.

Tito 1:16

Nan ta deklará ku boka ku nan konosé Dios, pero loke nan ta hasi ta mustra lo kontrario. Nan ta hende ku den bista di Dios ta detestabel, hende rebelde ku no ta sirbi pa hasi niun bon obra.

Romanonan 16:18

Pasobra tipo di hende asina no ta sirbi Kristu nos Señor, pero ta nan deseonan baho so nan ta sigui i nan ta kalanchá hende simpel ku palabra dushi pa asina kohe nan kabes abou.

Proverbionan 26:25

Maske su palabranan ta amabel, no ker'é, pasobra shete kos mashá perverso ta yena su kurason.

Numbernan 22:20

Den e anochi ei Dios a bini serka Bileam i a bis'é: ‘Awor ku e hòmbernan akí a bolbe bin buska bo, bo por bai ku nan, pero bo mag hasi solamente loke Ami ordená bo.’

Éksodo 4:15

Papia kuné, bis'é loke e tin ku bisa. Mi mes lo yuda boso haña e palabranan adekuá i splika boso loke boso tin ku hasi.

Numbernan 23:13

Riba esaki Balak a kontest'é: ‘Ban ku mi un otro lugá, for di kaminda bo por mira nan; no henter e pueblo wèl, pero tòg un parti; i for di e lugá ei bo mester maldishoná nan.’

Numbernan 23:3

Despues Bileam a bisa Balak: ‘Keda para aki serka e sakrifisionan, miéntras ami ta bai. Podisé SEÑOR ke revelá su mes na mi. E ora ei lo mi bisa bo, kiko El a bisa mi.’ Bileam a subi un kabes di seru bashí.