Numbernan 2:2 - Papiamentu Bible 2013

² ‘E israelitanan mester kamper na sierto distansia rondó di e tènt di enkuentro. Kada un mester kamper bou di su mes bandera i ku e emblema di su mes famia.

Beibel na Papiamentu Koriente 2013

² ‘E israelitanan mester kamper na sierto distansia rondó di e tènt di enkuentro. Kada un mester kamper bou di su mes bandera i ku e emblema di su mes famia.

Numbernan 2:2 Referans Kwoze

1 Korintionan 14:40

Laga tur kos bai nèchi i na òrdu.

1 Korintionan 14:33

pasobra Dios no ta dios di desòrdu, pero Dios di pas. Manera ta kustumber den tur iglesia ku ta forma parti di pueblo di Dios,

Yozue 3:4

E ora ei boso lo sa unda boso tin ku bai, pasobra di e kaminda ei boso no a yega di pasa nunka ainda. Sòru sí pa entre boso i e arka tin un distansia di mas o ménos mil meter; no yega mas serka.’

Numbernan 10:25

Komo delaster e tribunan ku tabatin nan kampamentu bou di bandera di Dan a sali bai; tribu di Dan tabata bou di guia di Ahiezèr, yu di Amishadai,

Numbernan 10:22

Kaba a bini e tribunan ku tabatin nan kampamentu bou di bandera di Efraim; tribu di Efraim tabata bou di guia di Elishama, yu di Amihud,

Numbernan 1:50

Enkargá nan ku kuido di e tènt sagrado di aliansa ku tur loke ta pertenesé n'e. Nan mester karga e tènt sagrado ku tur loke ta pertenesé n'e, hasi sirbishi einan i lanta nan kampamentu rondó di e tènt.

Kolosensenan 2:19

E no ta atené su mes na Kristu, kabes di e kurpa. Kristu ta hasi ku henter e kurpa, sostené i wantá huntu pa e kabuyanan di múskulo i e skarnirnan di wesu, ta krese manera Dios ke.

Filipensenan 1:27

E úniko kos ta awor pa boso biba un bida ku ta kuadra ku e bon notisia di Kristu, pa sea ora mi bin mira boso òf mi tende di boso den mi ousensia, mi haña sa ku boso ta pará firme, uní pa e mesun spiritu, i ku boso ta lucha unánimemente pa kousa di fe den e bon notisia.

Zakarías 9:16

Asina SEÑOR, nan Dios, e dia ei lo salba su pueblo, su trupa di karné. Nan lo bria den su pais manera piedra presioso den un korona.

Ezekiel 43:7

‘Hende, aki ta e lugá kaminda mi trono ta, e lugá kaminda Mi ta pone mi pianan. Aki, serka e israelitanan, Mi ke biba pa semper. Nan i nan reinan lo no deshonrá mi nòmber santu mas. Nan lo no adorá dios falsu mas ni dera nan reinan aki mas.

Isaías 18:3

I boso, habitantenan di mundu, boso ku ta yena e paisnan, ora lanta un master riba seru, hisa boso wowo n'e. I ora e señal di kachu zona, skuch'é.

Isaías 12:6

Dal gritu di legria i di húbilo boso tur bibá na Sion, pasobra grandi E ta, Esun ku ta biba meimei di boso, e Dios Santu di Israel.’

Salmo 76:11

Hasi promesa na SEÑOR, boso Dios, i kumpli kuné; mare tur hende rònt di djE paga nan tributo na Esun ku ta digno di temor,

Numbernan 10:18

Kaba e tribunan ku tabatin nan kampamentu bou di bandera di Ruben a desarmá nan kampamentu; tribu di Ruben tabata bou di guia di Elisur, yu di Shedeur,

Numbernan 10:14

Promé e tribunan ku tabatin nan kampamentu bou di bandera di Huda a desarmá; tribu di Huda tabata bou di guia di Nagshon, yu di Aminadab,

Numbernan 2:10

Na parti sur e sekshon ku ta kai bou di bandera di Ruben ta haña su kampamentu. Nan ta e siguiente tribunan ku nan hefe: tribu di Ruben, bou di guia di Elisur, yu di Shedeur, ku 46.500 hòmber; tribu di Simeon, bou di guia di Shelumiel, yu di Surishadai, ku 59.300 hòmber; tribu di Gad, bou di guia di Elyasaf, yu di Deuel, ku 45.650 hòmber, en total 151.450 hòmber. E tribunan akí ta sali na di dos lugá, ora e pueblo ta sigui su biahe.

Numbernan 2:3

Na parti ost e grupo ku ta kai bou di bandera di Huda ta haña su kampamentu. Ta e siguiente tribunan ku nan hefe: tribu di Huda, bou di guia di Nagshon, yu di Aminadab, ku 74.600 hòmber; tribu di Isakar, bou di guia di Netanel, yu di Suar, ku 54.400 hòmber; tribu di Zebulon, bou di guia di Eliab, yu di Helon, ku 57.400 hòmber; en total 186.400 hòmber. E tribunan akí ta sali bai promé ora e pueblo ta sigui su biahe.

Numbernan 2:1

SEÑOR a bisa Moises ku Aaron:

Numbernan 24:2

Ora el a hisa kara wak, el a mira e tribunan di Israel den nan kampamentu. E ora ei Spiritu di Dios a poderá di dje i

Salmo 74:4

Bo enemigunan a grita viktoria meimei di bo lugá sagrado. Aya nan a planta nan banderanan komo señalnan bon visibel.