Numbernan 18:9 - Papiamentu Bible 2013

⁹ E parti di e ofrenda mashá santu, ku nan no ta kima, ta pa boso. Esei ta konta pa tur ofrenda ku e israelitanan hasi komo ofrenda mashá santu na Mi, sea ta ofrenda vegetal, sakrifisio pa pordon di piká, o sakrifisio di debe. Esei ta pa bo i pa bo yunan.

Beibel na Papiamentu Koriente 2013

⁹ E parti di e ofrenda mashá santu, ku nan no ta kima, ta pa boso. Esei ta konta pa tur ofrenda ku e israelitanan hasi komo ofrenda mashá santu na Mi, sea ta ofrenda vegetal, sakrifisio pa pordon di piká, o sakrifisio di debe. Esei ta pa bo i pa bo yunan.

Numbernan 18:9 Referans Kwoze

Levítiko 7:7

Loke ta konta pa e sakrifisio pa pordon di piká ta konta tambe pa e sakrifisio di debe; e instrukshonnan pa tur dos ta meskos. E karni ta pa e saserdote ku ta drecha tur kos atrobe entre e hende i Dios.

Levítiko 14:13

E ta mata e chubatu di karné kaminda ta mata bestia pa sakrifisio pa pordon di piká i pa sakrifisio di kandela, esta na un lugá sagrado; e sakrifisio di debe, meskos ku e sakrifisio pa pordon di piká, ta un ofrenda mashá sagrado ku ta toka e saserdote.

Levítiko 4:27

Si kualke hende di pueblo hasi piká i sin sa ku e ta peka hasi algu ku ta prohibí pa un di e mandamentunan di SEÑOR, e ta hasi su mes kulpabel.

Levítiko 4:22

Si un hefe di tribu hasi piká i sin sa ku e ta peka hasi algu ku ta prohibí pa un di e mandamentunan di SEÑOR, su Dios, e ta kulpabel.

Levítiko 10:17

‘Pakiko boso no a kome e karni di e sakrifisio ei den un lugá sagrado? No ta un alimento mashá sagrado e ta? SEÑOR a duna boso e bestia ei pa boso por libra e pueblo di su pikánan i drecha tur kos atrobe entre nan ku Dios.

Levítiko 7:1

Aki ta sigui instrukshon pa sakrifisio di debe: ta trata di un sakrifisio mashá sagrado.

Levítiko 5:6

ofresé SEÑOR pa penitensia pa su piká un karné òf kabritu, esta e bestia muhé, komo sakrifisio pa haña pordon. Asina e saserdote ta drecha tur kos atrobe entre e hende i Dios, i Dios ta pordon'é su piká.

Levítiko 5:1

Den e siguiente kasonan un israelita mester hasi un ofrenda pa pordon di su piká: Ora hues hasi un yamada ofisial pa testiguá den un kaso i un hende nenga di deklará na hues loke el a mira òf a haña sa, e ta hasi piká i e mester paga p'e.

Levítiko 6:17

Mester hasa e arepanan sin is. E parti akí di e sakrifisionan di kuminda SEÑOR a destiná pa e saserdotenan. Ta algu mashá sagrado; meskos ku e sakrifisio pa haña pordon di piká i e sakrifisio di debe.

Levítiko 6:30

Pero si usa sanger di un bestia sakrifiká pa drecha tur kos atrobe entre hende ku Dios, no por kome su karni, mester kim'é.

Levítiko 7:6

Solamente e hòmbernan di e famianan saserdotal por kome for di e karni di ofrenda; mester kom'é na un lugá sagrado, pasobra ta un kos mashá sagrado.

Numbernan 18:10

For di e ofrendanan spesial akí ta hòmbernan for di e famianan di e saserdote so mag kome i solamente den santuario. Konsiderá e ofrendanan akí sagrado.

Ezekiel 42:13

E hòmber a bisa mi: ‘E kuartunan akí na rant di e plenchi, tantu esunnan na banda nort komo esunnan na banda zùit, ta sagrado. Ei e saserdotenan ku ta tene sirbishi den serkania di SEÑOR mester kome e ofrendanan mashá sagrado. Ei nan mester pone e ofrendanan mashá santu, esta nan parti di ofrenda vegetal, sakrifisio pa haña pordon di piká i sakrifisio di debe, pasobra ta un lugá sagrado.

Ezekiel 44:29

Nan por gana nan bida ku e ofrendanan vegetal, sakrifisionan pa pordon di piká i sakrifisionan di debe. Nan ta risibí tur loke keda dediká na Mi na Israel.

Levítiko 2:10

Loke sobra ta pa Aaron i pa su yunan, e ta un porshon hopi sagrado, pasobra e ta forma parti di e sakrifisio di kuminda ofresé na SEÑOR.

Levítiko 6:19

SEÑOR a bisa Moises:

Levítiko 22:7

Despues ku solo baha e ta puru atrobe, e ora ei e mag kome for di e ofrendanan sagrado, pasobra esei ta e kuminda ku ta reservá p'e.

Levítiko 22:11

Pero si e saserdote kumpra un katibu ku su mes plaka, esaki por kome for di e kuminda destiná pa e saserdote; meskos e katibu ku a nase den kas di e saserdote.

Deuteronomio 18:1

E saserdotenan, ku ta pertenesé na tribu di Levi, no mag poseé tereno propio manera e otro israelitanan. Esei ta konta di pursi pa tur e miembronan di tribu di Levi. Nan por biba di e sakrifisionan di kandela ku SEÑOR tin derechi riba dje.

2 Reinan 12:17

Den e tempu ei Hazael, rei di Aram, a bai ataká siudat Gat i a okup'é. Despues Hazael a prepará pa e sali bai ataká Herusalèm.

Nehemías 10:36

Tambe nos ta hiba nos promé yu hòmbernan i promé krio di nos bakanan, karnénan i kabritunan, segun ta preskribí den lei, serka e saserdotenan ku ta hasi sirbishi den tèmpel di nos Dios.