Numbernan 16:14 - Papiamentu Bible 2013

¹⁴ Sigur ta ku bo no a trese nos un pais ku ta mana lechi i miel i bo no a duna nos kunuku i hòfi di wendrùif tampoko! Anto bo ta kere ku ainda bo por gaña nos mas kos? Nos no ta bini!’

Beibel na Papiamentu Koriente 2013

¹⁴ Sigur ta ku bo no a trese nos un pais ku ta mana lechi i miel i bo no a duna nos kunuku i hòfi di wendrùif tampoko! Anto bo ta kere ku ainda bo por gaña nos mas kos? Nos no ta bini!’

Numbernan 16:14 Referans Kwoze

Levítiko 20:24

P'esei Mi a bisa boso: “Ta boso lo bira doño di nan pais. T'Ami ta duna boso e den poseshon, e pais ku ta mana lechi i miel. Mi ta SEÑOR, boso Dios, ku a apartá boso di e otro nashonnan.”

1 Samuel 11:2

Nahash, e amonita, a kontestá nan: ‘Lo mi sera un pakto ku boso, bou di kondishon ku mi ta saka wowo drechi di boso kada un, pa asina pone kara di henter Israel na bèrgwensa.’

Huesnan 16:21

E filisteonan a gar'é i a saka su wowo. Despues nan a hib'é Gaza, kaminda nan a bui e ku dos kadena di koper. Den prizòn e mester a traha na piedra di mula trigo.

Numbernan 20:5

Pakiko boso a saka nos for di Egipto si boso no tabatin nada mihó pa ofresé nos? Aki no tin trigo, aki no tin figo, ni wendrùif ni granatapel; ni awa di bebe no tin.’

Éksodo 23:11

pero e di shete aña lag'é sosegá, no hasi nada kuné. Loke e por produsí ainda ta pa e pobernan di bo pueblo kome i loke nan sobra ta pa e bestianan di mondi. Hasi meskos ku bo hòfi di wendrùif i bo palunan di oleifi.

Éksodo 22:5

Si un hende laga su bestianan kome yerba den su kunuku òf den su hòfi di wendrùif i e bestianan akí kana liber rònt, di manera ku nan ta bai kome den kunuku di otro hende tambe, e doño mester paga tur daño ku e bestianan kousa ku e mihó parti di su kunuku òf di su hòfi di wendrùif.

Éksodo 3:17

P'esei Mi a disidí di saka boso for di e mizeria ei. Lo Mi hiba boso un pais ku tin lechi i miel na abundansia. E pais kaminda e kanaanita-, hetita-, amorita-, perizita-, hiwita- i yebusitanan ta biba.”

Éksodo 3:8

Mi a bini abou pa libra nan for di poder di e egipsionan. Mi ta bai saka nan for di e pais ei i hiba nan un pais grandi i bon, kaminda tin lechi i miel na abundansia. E pais kaminda e kanaanita-, hetita-, amorita-, perizita-, hiwita- i yebusitanan ta biba awor.

Éksodo 23:10

Sembra kunuku seis aña i kosechá loke e produsí,

Numbernan 13:27

Nan a bisa: ‘Nos tabata den e pais ku bo a manda nos bai i enberdat e ta mana lechi i miel. Wak e frutanan akí!

Numbernan 14:8

Si SEÑOR ke nos bon, E ta hiba nos e pais akí ku ta mana lechi i miel, i duna nos e.