Numbernan 14:2 - Papiamentu Bible 2013

² Tur e israelitanan a lanta kontra Moises i Aaron. Nan a bisa nan: ‘Mare nos a muri na Egipto òf aki den desierto mes!

Beibel na Papiamentu Koriente 2013

² Tur e israelitanan a lanta kontra Moises i Aaron. Nan a bisa nan: ‘Mare nos a muri na Egipto òf aki den desierto mes!

Numbernan 14:2 Referans Kwoze

Éksodo 15:24

E ora ei e pueblo a kuminsá lanta ku Moises. Nan a puntr'é: ‘Kiko nos tin ku bebe awor?’

Numbernan 16:41

Pero e dia siguiente henter komunidat a lanta ku Moises ku Aaron i bisa: ‘Boso a mata pueblo di SEÑOR!’

Éksodo 17:3

Pero e pueblo tabata anhelá poko awa i nan a lanta ku Moises: ‘Ma ta pakiko antó bo a saka nos for di Egipto? Ta pa laga nos, nos yunan i nos bestianan muri di set?’

Hudas 1:16

E hendenan akí ta kana murmurá semper i ta malkontentu ku tur kos; nan ta sigui nan mes deseonan. Nan ta papia ku arogansia i ta kalanchá otro hende djis pa nan probechá.

1 Korintionan 10:10

Anto boso tampoko no mester murmurá, manera algun di nan; e angel di destrukshon a kaba ku nan.

Yonas 4:8

Asina solo a sali Dios a sòru pa un bientu kayente supla for di ost. Solo tabata kima riba Yonas su kabes. E tabata serka di bai flou i ker a muri. El a bisa: ‘Mihó mi muri ku mi sigui biba.’

Yonas 4:3

P'esei, SEÑOR, kita mi bida. Mihó mi muri ku mi sigui biba.’

Salmo 106:24

Mas despues nan a nenga un dushi tera, nan no a kere den Dios su promesanan.

Deuteronomio 1:27

Boso a sinta murmurá den boso tèntnan i bisa: “Odia SEÑOR ta odia nos. E ke kaba ku nos p'esei El a saka nos for di Egipto pa laga nos kai den man di e amoritanan.

Numbernan 11:15

Si t'asina Bo ke sigui trata mi, mihó Bo laga mi muri, si ta di bèrdat Bo ke mi bon. Ya mi no ta haña mi den tantu difikultat asina.’

Numbernan 11:1

A sosodé awor ku pueblo tabata keha kontra SEÑOR ku nan tabata pasa malu. Ora SEÑOR a tende e kos ei, El a drenta un rabia, manda un kandela ku a plama na rant di e kampamentu.

Salmo 106:45

El a kòrda su aliansa ku nan i den su bondat a haña duele.

Job 3:11

Di kon mi no a muri na momento di mi nasementu, mi no a stek ora m'a slep sali for di seno di mi mama?

1 Reinan 19:4

E so a sigui bai mas leu den desierto. Despues di a kana un dia largu, porfin el a kai sinta bou di un mata silvèster solitario. E tabata deseá di ta morto. Elías a bisa: ‘Mi n' por mas! Tuma mi bida numa, SEÑOR, mi no ta mihó ku mi antepasadonan.’

Hebreonan 3:16

Ta ken tabata esnan ku a skucha i rebeldiá? Tabata tur esnan ku bou di guia di Moises a sali for di e pais Egipto.

Numbernan 11:5

Na Egipto nos tabata pasa bon. Aya nos tabata haña piská pòrnada. Kòrda e kònkòmber, milon, prei, siboyo i konofló ku nos tabata haña aya pa kome.

Numbernan 14:1

E ora ei henter e komunidat a kuminsá grita duru i nan a keda keha henter anochi.

Numbernan 14:22

mes sigur ningun di nan lo no drenta e pais ku Mi a primintí nan antepasadonan solemnemente. Nan a mira mi gran splendor i e señalnan milagroso ku Mi a hasi na Egipto i den desierto. Sinembargo ya nan a pone Mi dies bia na prueba i nan no a tende di Mi. Ningun di nan ku a despresiá Mi, no ta drenta e pais primintí.

Numbernan 16:13

No ta basta tristu ku bo a saka nos for di un pais ku ta mana lechi i miel pa bin laga nos muri den desierto? Akaso awor bo ke goberná nos tambe?

Numbernan 20:3

i a kuminsá pleita ku Moises. Nan a bisa: ‘Mare SEÑOR a mata nos tambe, dia El a mata nos kompatriotanan.

Numbernan 20:4

Pakiko boso a trese pueblo di Dios den e desierto akí? Únikamente pa laga nos i e bestianan muri?

Numbernan 21:5

Nan a kuminsá keha kontra SEÑOR i kontra Moises: ‘Pakiko boso a saka nos for di Egipto? Pa nos muri den desierto? Nos no tin pan ni awa. Nos a kome mana te fada.’

Salmo 106:25

Nan tabata murmurá den nan tèntnan i no a skucha bos di SEÑOR.

Éksodo 14:11

Nan a bisa Moises: ‘Akaso no tabatin graf na Egipto? Nos mester a bai ku bo pa nos muri den desierto? Pakiko bo a hasi asina ku nos? Pakiko bo a saka nos for di Egipto?

Numbernan 17:6

Despues ku Moises a partisipá e israelitanan e rospondi akí, kada hefe di tribu a trese su bastòn. Tabata diesdos na tur ku e bastòn di Aaron aserka.

Numbernan 20:2

A sosodé un bia ku no tabatin awa pa e komunidat. E pueblo a bòsha rondoná Moises ku Aaron

Deuteronomio 9:23

I ora SEÑOR a ordená boso bai for di Kadesh-Barnea ku e enkargo: “Ranka sali i tuma e pais ku Mi a duna boso”, boso a resistí kontra òrdu di SEÑOR, boso Dios. Boso no tabata konfia den SEÑOR ni tabata obedes'é.