Numbernan 11:17 - Papiamentu Bible 2013

¹⁷ E ora ei Mi ta baha bin papia ku bo i duna nan parti di e spiritu ku Mi a duna bo. Huntu ku bo nan lo karga responsabilidat pa e pueblo, di manera ku bo so no tin mester di karg'é.

Beibel na Papiamentu Koriente 2013

¹⁷ E ora ei Mi ta baha bin papia ku bo i duna nan parti di e spiritu ku Mi a duna bo. Huntu ku bo nan lo karga responsabilidat pa e pueblo, di manera ku bo so no tin mester di karg'é.

Numbernan 11:17 Referans Kwoze

1 Samuel 10:6

E ora ei spiritu di SEÑOR lo poderá di bo, lo bo profetisá manera nan i lo bo kambia bira otro hende.

Numbernan 11:25

E ora ei SEÑOR a baha den un nubia, papia ku Moises i a pone un parti di e spiritu ku El a dun'é riba nan. Ora e spiritu a baha riba nan, nan a profetisá, despues esaki no a sosodé mas.

1 Korintionan 2:12

Awor nos no a risibí e spiritu di e mundu akí, ma nos a risibí e Spiritu Santu ku ta bini di Dios. Asina nos por sa loke Dios, den su grasia, a duna nos.

2 Reinan 2:9

Ora nan a kaba di krusa Elías a bisa Eliseo: ‘Bisa mi kiko bo ke pa mi hasi pa bo, promé ku Dios tuma mi for di bo.’ Eliseo a kontestá: ‘Laga mi haña dòbel porshon di bo donnan spiritual!’

Yoel 2:28

Despues lo Mi drama mi spiritu riba tur hende! Boso yunan hòmber i muhé lo profetisá; boso hòmbernan di edat avansá lo haña soñonan i boso hóbennan lo haña vishonnan.

2 Reinan 2:15

E grupo di profeta di Yériko, ku tabata pará na un distansia, a bisa ora nan a wet'é: ‘E donnan spiritual di Elías a pasa pa Eliseo.’ Nan a bai kontr'é i a bùig te na suela su dilanti.

Romanonan 8:9

Sinembargo boso no ta biba mas segun deseo pekaminoso, pero segun Spiritu Santu, ya ku Spiritu di Dios ta biba den boso. Esun ku no tin Spiritu di Kristu, no ta pertenesé na Kristu.

1 Tesalonisensenan 4:8

P'esei esun ku ta rechasá e instrukshonnan akí no ta rechasá hende, sino ta rechasá Dios mes ku a duna boso su Spiritu Santu.

Nehemías 9:20

Bo a manda bo spiritu pa duna nan komprondementu; Bo no a kita mana for di nan boka i Bo a duna nan awa pa kalma nan set.

Éksodo 18:22

Nan por sòru pa e huisionan di tur ora. Nan ta enkargá bo ku e kasonan pisá i nan mes ta atendé e kasonan chikitu. Asin'ei bo ta laga nan karga parti di responsabilidat di manera ku ta bira mas fásil pa bo.

Hudas 1:19

Nan ta kousa divishon; ta hende ku ta hiba un bida mundano i ku no tin Spiritu di Dios.

1 Pedro 1:22

Boso a purifiká boso alma dor di obedesé e bèrdat i asina boso por stima otro manera ruman ku un amor sinsero; p'esei anto stima otro ku un kurason puru.

Numbernan 12:5

Awor SEÑOR a baha den un pilá di nubia bai para na entrada di tènt di enkuentro. El a yama Aaron ku Miriam i tur dos a bini dilanti.

Éksodo 19:20

SEÑOR a baha riba kabes di Seru Sinai i a yama Moises pa e bini ariba. I Moises a bai riba kabes di seru.

Génesis 11:5

Ora SEÑOR a baha pa mira e stat ku e toren ku e hendenan tabata trahando,

Huan 7:39

Hesus tabata papia tokante Spiritu Santu ku esnan ku ta kere den djE lo a bai risibí. Ma na e momentonan ei Spiritu Santu no tabat'ei ainda, pasobra no a alsa Hesus na un posishon di honor ainda.

Huan 3:13

Niun hende no a yega di subi bai shelu; ta solamente Yu di hende a baha bini for di shelu.

Isaías 44:3

Pasobra Mi ta bai basha áwaseru riba e tera, morto di set, Mi ta bai laga roinan kore riba suela seku. Mi ta bai bendishoná bo yu- i desendientenan i basha mi Spiritu riba nan.

Numbernan 27:18

SEÑOR a bisa: ‘Yama Yozue, yu hòmber di Nun; Mi a hasié kapas. Pone bo mannan riba su kabes.

Numbernan 12:8

Kuné Mi ta papia direktamente, kla, sin nada misterioso. Asta e mag mira Mi. Kon boso a tribi kritiká mi sirbidó Moises?’

Éksodo 34:5

SEÑOR a baha den un nubia bai para banda di Moises i menshoná su mes nòmber: SEÑOR.

Éksodo 19:11

E di tres dia nan mester ta kla, pasobra e dia ei lo Mi baha riba Seru Sinai. Henter e pueblo lo ta testigu.

Génesis 18:33

Ora SEÑOR a kaba di papia ku Abraham, El a bai i Abraham a regresá su tènt.

Génesis 17:22

Ora Dios a kaba di papia ku Abraham, El a bai lag'é.

Génesis 17:3

E ora ei Abram a bùig te na suela. Dios a sigui bis'é:

Éksodo 18:18

Bo ta kaba ku bo mes i bo ta eksigí muchu di e pueblo ku ta bini serka bo. E trabou akí ta muchu pisá pa bo, bo so no por hasié.

Isaías 63:11

E ora ei su pueblo a kòrda tempu bieu, tempu di Moises. Unda E ta awe, Esun ku a guia nos antepasadonan, trupa ku wardadó ku tur, pasa nan dor di laman? Unda E ta awe, Esun ku pa medio di su Spiritu tabata presente meimei di su pueblo?

Numbernan 7:89

Kada be ku Moises drenta tènt di enkuentro pa papia ku SEÑOR, e tabata tende stèm di SEÑOR sali for di riba e tapadera di arka di aliansa, meimei di e dos kerubinnan. Asina SEÑOR tabata papia ku Moises.