Numbernan 11:1 - Papiamentu Bible 2013

¹ A sosodé awor ku pueblo tabata keha kontra SEÑOR ku nan tabata pasa malu. Ora SEÑOR a tende e kos ei, El a drenta un rabia, manda un kandela ku a plama na rant di e kampamentu.

Beibel na Papiamentu Koriente 2013

¹ A sosodé awor ku pueblo tabata keha kontra SEÑOR ku nan tabata pasa malu. Ora SEÑOR a tende e kos ei, El a drenta un rabia, manda un kandela ku a plama na rant di e kampamentu.

Numbernan 11:1 Referans Kwoze

Numbernan 21:5

Nan a kuminsá keha kontra SEÑOR i kontra Moises: ‘Pakiko boso a saka nos for di Egipto? Pa nos muri den desierto? Nos no tin pan ni awa. Nos a kome mana te fada.’

2 Reinan 1:12

Elías a kontestá: ‘Si mi ta un hòmber di Dios, kandela baha for di shelu i destruí abo ku bo sinkuenta sòldánan.’ Mesora kandela di Dios a baha for di shelu i a destruí e ofisial ku su sinkuenta sòldánan.

Numbernan 16:35

E ora ei a bini un kandela di SEÑOR ku a kima e 250 hòmbernan, ku tabata ofresé sensia, kompletamente.

Deuteronomio 9:22

Na Tabera, Masa i Kibrot-Hataawa tambe boso a pone SEÑOR rabia mashá.

Levítiko 10:2

Na e momento ei un kandela a bini di SEÑOR kima nan dos kompletamente; nan a muri einan mes.

Éksodo 16:9

Despues Moises a bisa Aaron: ‘Bisa e komunidat di Israel pa nan bini huntu dilanti di SEÑOR, pasobra El a tende nan lanta kunÉ.’

Hudas 1:16

E hendenan akí ta kana murmurá semper i ta malkontentu ku tur kos; nan ta sigui nan mes deseonan. Nan ta papia ku arogansia i ta kalanchá otro hende djis pa nan probechá.

1 Korintionan 10:10

Anto boso tampoko no mester murmurá, manera algun di nan; e angel di destrukshon a kaba ku nan.

Isaías 30:33

Ya pa basta tempu kaba e dechi di palu pa kandela ta prepará, sí, pa rei tambe. E fogon ta hundu i hanchu ku hopi palu pa kima. Rosea di SEÑOR, manera un riu di suafel ardiente, ta peg'é na kandela.

Salmo 106:18

A sali un kandela den nan, un vlam a kima e kulpabelnan.

Salmo 78:21

Asina ta ku SEÑOR a indigná, ora El a tende esei; kandela a sende kontra Yakob, a lanta un furia kontra Israel,

Job 1:16

E n' kaba di papia ku ata otro kriá a kore drenta: ‘Welek a kai riba bo karnénan i mata bo wardadónan tambe. T'ami ta e úniko ku por a skapa pa bin konta bo.’

2 Samuel 11:27

Despues ku e tempu di rou a pasa, David a laga nan trese Bat-Shèba palasio. Bat-Shèba a bira muhé di David i a dun'é un yu hòmber. Pero loke David a hasi no tabata bon den bista di SEÑOR.

Deuteronomio 32:22

Mi a pega e kandela di mi rabia ku ta penetrá te den reino di morto, hasi daño na mundu i na tur loke ta krese, kima fundeshi di seru.

Éksodo 16:7

I mañan mainta boso lo weta e gran splendor di SEÑOR, komo El a tende boso lanta kunÉ. Pasobra, ta ken nos ta pa boso lanta ku nos?’

Isaías 33:14

Na Sion pekadónan ta spanta, mal hende ta haña temblamentu: kua di nos por wanta e kandela feros, kua por soportá e kalor sin fin akí?

Numbernan 10:33

Nan a bai for di seru di SEÑOR i a kana tres dia, miéntras e arka di aliansa di SEÑOR a bai durante e tres dianan ei nan dilanti pa buska un lugá di sosiegu.

Génesis 38:10

Loke el a hasi tabata malu den bista di SEÑOR i El a lag'é tambe muri.

Hakobo 5:4

Tende, e pago ku boso a keda sin duna e obreronan ku a kosechá pa boso, ta sklama kontra boso, i Señor Todopoderoso a tende reklamo di e trahadónan ei.

Hebreonan 12:29

Pasobra nos Dios ta un kandela ku ta devorá tur kos.

Nahum 1:5

Den presensia di SEÑOR serunan ta tembla, seritunan ta tambaliá. Ora SEÑOR aparesé, tera ta sakudí i mundu ku tur loke tin riba dje, ta tembla.

Lamentashonnan 3:39

Ku ki derecho un hende ku ta na bida, ta keha? At'é riba pia, apesar di su pikánan!

Deuteronomio 25:18

kon nan tabata ataká boso ora boso tabata na kaminda; ora boso tabata morto kansá, nan a ataká mata tur esnan débil ku a keda atras sin tene rèspèt di Dios.

Numbernan 11:18

Bisa e pueblo: Sòru di purifiká boso pa mañan; e ora ei boso ta haña karni pa kome. Boso no a keha tòg kontra SEÑOR: “Ken por yuda nos ku karni? Esta bon nos tabata pasa na Egipto.” SEÑOR lo duna boso karni i boso lo kome!

Numbernan 14:2

Tur e israelitanan a lanta kontra Moises i Aaron. Nan a bisa nan: ‘Mare nos a muri na Egipto òf aki den desierto mes!

Numbernan 14:22

mes sigur ningun di nan lo no drenta e pais ku Mi a primintí nan antepasadonan solemnemente. Nan a mira mi gran splendor i e señalnan milagroso ku Mi a hasi na Egipto i den desierto. Sinembargo ya nan a pone Mi dies bia na prueba i nan no a tende di Mi. Ningun di nan ku a despresiá Mi, no ta drenta e pais primintí.

Numbernan 14:27

‘Kuantu tempu mas e pueblo malbado akí ta keda lanta kontra Mi? Mi a tende kon nan ta lanta kontra Mi.

Numbernan 14:28

Bisa nan: “Asina SEÑOR ta bisa: Mes sigur ku Mi ta biba, mes sigur lo Mi hasi ku boso manera Mi a tende boso bisa.

Numbernan 16:11

Boso ta keha kontra Aaron, pero en realidat ta kontra SEÑOR mes boso ta lanta.’

Numbernan 17:5

Bastòn di e hòmber ku Mi skohe lo kuminsá spreit. Asina lo Mi pone un fin na e lantamentu di e israelitanan.’

Salmo 78:63

Kandela a devorá nan hóbennan i pa e yu muhénan den nan no a zona kantikanan nupsial.

Isaías 10:17

Dios Santu, Lus di Israel, lo bira un kandela ku ta sende wabi i bringamosa i ta devorá nan den un solo dia,

Ezekiel 20:36

Manera Mi a sentensiá boso antepasadonan den desierto di Egipto, asina lo Mi sentensiá boso.” Esaki ta loke SEÑOR, mi Dios, ta bisa.

Habakuk 3:5

Pèst ta kana su dilanti, fèrmidatnan mortal djis su tras.

Numbernan 12:2

Nan tabata bisa: ‘Ta pa medio di Moises so SEÑOR a papia antó? E no a papia pa medio di nos tambe?’ SEÑOR a tende e kos ei