Nehemías 9:37 - Papiamentu Bible 2013

³⁷ E kosecha riku riku di e tera akí ta bai den man di e reinan strañero ku Bo ta laga dominá nos pa motibu di nos pikánan; nan no ta manda solamente riba nos bestianan pero riba nos kurpa tambe. Nan por hasi ku nos loke nan ke. P'esei nos ta den un pèrtá grandi.’

Beibel na Papiamentu Koriente 2013

³⁷ E kosecha riku riku di e tera akí ta bai den man di e reinan strañero ku Bo ta laga dominá nos pa motibu di nos pikánan; nan no ta manda solamente riba nos bestianan pero riba nos kurpa tambe. Nan por hasi ku nos loke nan ke. P'esei nos ta den un pèrtá grandi.’

Nehemías 9:37 Referans Kwoze

Deuteronomio 28:33

Un nashon ku boso no tin nada di aber kuné, lo gosa di e kosecha ku boso a mata kurpa riba dje. Kontinuamente nan lo oprimí i maltratá boso.

Deuteronomio 28:48

boso lo mester sirbi boso enemigunan ku SEÑOR lo manda riba boso. Boso lo sufri hamber i set i boso lo no tin paña pa bisti, boso lo tin nesesidat di tur kos. Lo E bisti bo un yugo di heru te ora bo kai bou di e yugo.

Esdras 7:24

Finalmente mi ta partisipá ku ningun hende no tin derecho pa kobra ni saserdote, ni levita, ni kantor, ni guardia ni sirbiente di tèmpel òf kualke otro persona ku ta sirbi den e tèmpel akí, ni belasting ni akseins ni tòl.

Huan 8:33

Nan a bisa Hesus: ‘Nos ta desendiente di Abraham i nunka nos no tabata katibu di niun hende! Kon Bo por bisa: “Boso lo bira liber?” ’

Nehemías 5:8

Mi a bisa nan: ‘Te kaminda nos tabata por, nos a kumpra nos paisanonan liber, esta hudiunan ku nan a bende ku nashonnan pagano. Anto awor boso ta obligá nan bolbe bende nan mes ku nan paisanonan!’ Nan a keda ketu, nan no por a kontestá.

Esdras 6:8

Tambe mi ta ordená boso pa yuda nan ku konstrukshon di tèmpel di siguiente manera: Mester paga tur gastu ku nan hasi mesora for di kaha di reino, esta for di entrada di e provinsia parti wèst di riu Eufrat, pa no tin interupshon den trabou.

Esdras 4:13

Su mahestat mester sa ku asina e siudat ta rekonstruí i e murayanan ta kla, nan lo no paga ni belasting ni akseins ni tòl mas, loke ta pone kaha di reino sufri pèrdida.

Deuteronomio 28:51

Nan lo tuma boso bestianan i boso kosechanan hasi di nan, i boso lo muri di hamber. Nan lo no laga nada pa boso, ni trigo, ni biña, ni zeta, ni bisé, ni lamchi di karné òf di kabritu, di manera ku boso ta kaba na nada.

Deuteronomio 28:39

Boso lo planta i kuida hòfi di wendrùif, pero boso lo no piki wendrùif òf bebe nan biña. Bichi lo kome nan.

Levítiko 26:17

Lo Mi bira lomba pa boso: boso atversarionan lo derotá boso, boso enemigunan lo dominá boso i boso lo hui asta si no tin hende ta persiguí boso.

Lamentashonnan 5:5

Nos persiguidónan ta konstantemente nos tras, nos ta morto kansá, pero nan n' ta laga nos na pas.