Nehemías 8:17 - Papiamentu Bible 2013

¹⁷ Henter e komunidat israelita, tur esnan ku a bolbe for di den eksilio, a traha ramada, bai biba den nan. Esaki ta algu ku no a sosodé for di tempu di Yozue, yu di Nun. Tabata reina un gran alegria.

Beibel na Papiamentu Koriente 2013

¹⁷ Henter e komunidat israelita, tur esnan ku a bolbe for di den eksilio, a traha ramada, bai biba den nan. Esaki ta algu ku no a sosodé for di tempu di Yozue, yu di Nun. Tabata reina un gran alegria.

Nehemías 8:17 Referans Kwoze

2 Krónikanan 8:13

E tabata tene kuenta ku e reglanan ku Moises a stipulá pa sierto dianan di fiesta, esta dianan di sabat, fiestanan di Luna Nobo i e tres fiestanan grandi ku ta selebrá tur aña: Fiesta di Pan sin Zürdeg, Fiesta di Sinkuenta Dia i e Fiesta di Ramada.

Esdras 3:4

Tambe nan tabata selebrá Fiesta di Ramada manera tabata preskribí i tur dia nan tabata ofresé sakrifisio di kandela, segun e kantidat stipulá pa kada dia di e fiesta.

Hebreonan 11:13

Den fe nan tur a muri sin haña loke Dios a primintí nan. Pero esei nan a mira for djaleu i nan a keda kontentu kuné. Nan a rekonosé ku na mundu nan tabata strañero i habitante pasahero.

Hebreonan 11:9

I pa medio di e fe ku e tabatin, el a biba komo strañero na e pais ku Dios a primintié. El a biba den tènt, meskos ku Isak i Yakob, ku tambe a haña e promesa ei.

Hebreonan 4:8

Si Yozue a hiba e pueblo na e lugá di deskanso di Dios, Dios lo no a papia despues mas di un otro dia.

Huan 1:14

E Palabra a bira hende i a bin biba meimei di nos. Nos a mira su gloria, e gloria ku e tin di Tata komo úniko Yu, yen di bondat i fieldat.

2 Krónikanan 35:18

For di tempu di profeta Samuel no a selebrá Fiesta di Pésag di e manera ei; niun di e reinan di Israel no a selebrá Fiesta di Pésag manera Yosías a hasié ku e saserdotenan, e levitanan, e bishitantenan di Huda i di Israel i e habitantenan di Herusalèm.

2 Krónikanan 30:26

Na Herusalèm tabata reina un alegria festivo ku for di tempu di rei Salomon di Israel, yu di David, no a reina.

1 Krónikanan 29:22

Nan a kome i bebe e dia ei den presensia di SEÑOR i nan tabata hopi kontentu. Pa di dos bia nan a proklamá Salomon, yu di David, rei. Nan a konsagrá Salomon i Sadok, tur dos den sirbishi di SEÑOR, Salomon komo rei, Sadok komo saserdote.

Yozue 1:1

Despues di morto di su sirbidó Moises, SEÑOR a bisa Yozue, yu di Nun i man drechi di Moises:

Deuteronomio 16:15

Selebrá e fiesta akí shete dia largu na honor di SEÑOR, boso Dios, na e lugá ku SEÑOR skohe; pasobra SEÑOR, boso Dios, lo bendishoná boso di tal manera den tur boso kosecha i den tur boso trabou i boso lo ta kontentu di bèrdè.