Nehemías 3:15 - Papiamentu Bible 2013

¹⁵ Shalum, yu hòmber di Kòl-Hozè, a rekonstruí Porta di Bròn. El a traha e dak i kologá e portanan ku nan balkinan i rèndunan. Ademas el a rekonstruí e muraya di Dam di Shiloag banda di hardin real te na e trapinan di Siudat di David. Shalum tabata hefe di distrito Mispa.

Beibel na Papiamentu Koriente 2013

¹⁵ Shalum, yu hòmber di Kòl-Hozè, a rekonstruí Porta di Bròn. El a traha e dak i kologá e portanan ku nan balkinan i rèndunan. Ademas el a rekonstruí e muraya di Dam di Shiloag banda di hardin real te na e trapinan di Siudat di David. Shalum tabata hefe di distrito Mispa.

Nehemías 3:15 Referans Kwoze

Huan 9:7

El a bisa e hòmber: ‘Bai laba bo kara den pisina di Siloam.’ E nòmber ‘Siloam’ ta nifiká ‘Mandá’. E siegu a bai laba su kara i ora el a sali fo'i djei e por a mira.

Isaías 8:6

‘E pueblo akí ta despresiá e awa ku ta kore trankil for di tanki di Shiloag i ta kontentu ku e aliansa ku Resin i e yu di Remaliahu ei.

Nehemías 12:37

Despues ku nan a pasa Porta di Bròn, nan a subi e trapinan di Siudat di David, nèt nan dilanti, kaminda e muraya ta bai ariba, banda di palasio di David i nan a yega te na Porta di Awa na parti ost.

Lukas 13:4

Òf boso ta pensa ku e diesocho hendenan ku a muri ora ku toren di Siloam a basha aden, tabata mas kulpabel ku tur otro habitante di Herusalèm?

Nehemías 2:14

Mi a sigui bai te na Porta di Bròn i Dam di Rei, pero aya mi buriku no por a pasa mas.

Yeremías 40:6

Finalmente Yeremías a bai serka Guedalías, yu di Ahikam, ku tabata na Mispa i el a keda biba serka dje, meimei dje hendenan ku a keda den e pais.

Nehemías 3:14

Malkías, yu hòmber di Rekab, a rekonstruí Porta di Kima Sushi mes. El a kologá e portanan ku nan balkinan i rèndunan. Malkías tabata hefe di e distrito Bet-Hakerèm.

Nehemías 3:12

Shalum, yu hòmber di Halohèsh, i su yu muhénan a rekonstruí e parti siguiente. Shalum tabata hefe di e otro mitar di distrito Herusalèm.

Nehemías 3:9

Refaías, yu hòmber di Hur, a rekonstruí e parti siguiente. Refaías tabata hefe di mitar di e distrito Herusalèm.

Nehemías 3:7

Melatías di Guibeon, Yadon di Meronot i e siudadanonan di Guibeon i Mispa a rekonstruí e parti ku ta sigui te na residensia ofisial di gobernador di e region parti wèst di riu Eufrat.

2 Krónikanan 32:30

Ta e Ezekías akí a dèmpel boka di bròn di Guihon ku tabata riba tera i a guia e awa pa e pasa bou di tera den direkshon wèst bai Siudat di David. E tabata eksitoso den tur kos ku el a hasi.

2 Reinan 25:4

e sòldánan di Nebukadnèsar a habri un buraku den e muraya di siudat. Ounke e kaldeonan akí tabata rondoná e siudat, rei Sedekías i tur e sòldánan a logra hui den anochi dor di e porta meimei di e dos murayanan, banda di hardin di rei. Nan a kohe direkshon di vaye di Yordan.

Huesnan 20:3

Tribu di Benhamin a tende ku tur e otro israelitanan a bai Mispa. E israelitanan a puntra e levita kon e krímen a keda kometé.

Huesnan 20:1

Despues tur israelita di Dan, na parti nort, te Beer-Shèba, na parti zùit, i tambe di pais Guilead, a sali manera ta ún solo hòmber nan tabata, pa bai reuní serka SEÑOR na Mispa.

Nehemías 2:17

Awor sí mi a bisa nan: ‘Boso mes por weta ku nos ta den un situashon deplorabel. Muraya di Herusalèm ta bashá abou i su portanan ta destruí pa kandela. P'esei mi ta proponé pa nos rekonstruí e muraya di siudat, pa nan no sigui hasi chèrchè di nos.’

Nehemías 3:19

Ezèr, hefe di Mispa, yu hòmber di Yeshua, a rekonstruí e parti siguiente, esta e parti ku ta subi bai na e depósito di arma na skina.

Predikador 2:6

Mi a traha baki di awa pa muha e palunan ku tabata spreit den boskenan.

2 Samuel 5:9

Despues David a bai biba den e fòrti i a yam'é: Siudat di David. El a laga traha muraya rònt di dje, kuminsando for di terasa di Milo.