Nahum 1:5 - Papiamentu Bible 2013

⁵ Den presensia di SEÑOR serunan ta tembla, seritunan ta tambaliá. Ora SEÑOR aparesé, tera ta sakudí i mundu ku tur loke tin riba dje, ta tembla.

Beibel na Papiamentu Koriente 2013

⁵ Den presensia di SEÑOR serunan ta tembla, seritunan ta tambaliá. Ora SEÑOR aparesé, tera ta sakudí i mundu ku tur loke tin riba dje, ta tembla.

Nahum 1:5 Referans Kwoze

Mikéas 1:4

E ta laga serunan dirti bou di su pia manera was kayente. Vayenan ta sker habri manera roi ku awa, bashando for di seru, ta koba.

Yeremías 4:24

Mi a wak seru — nan tabata sakudí i tur seritu tabata zuai bai bini.

2 Samuel 22:8

Kaba tera a sakudí i a kuminsá krak, fundeshi di shelunan a tambaliá, nan a tembla, pasobra Dios a baha su rabia.

Habakuk 3:10

Serunan n' mira Bo, ku nan ta tembla, yobida torensial ta inundá tera, oséano ta sulfurá i ta lanta su olanan te na shelu.

Salmo 68:8

tera a tembla i shelu a kore awa dilanti di Dios, Esun di Sinai, dilanti di Dios, e Dios di Israel.

Huesnan 5:5

seru a sakudí; Sinai a sakudí pa Bo, SEÑOR; pa Bo, Dios di Israel.

Salmo 114:6

ku boso, serunan, a bula manera karné, boso, seritunan, manera yu 'i kabritu?

Salmo 114:4

serunan a bula manera karné, seritunan manera yu 'i kabritu.

Salmo 98:7

Laga laman i su rikesa alsa bos, mundu i tur su habitantenan;

Salmo 46:6

Pueblonan a rabia, reinonan a lanta: E ta alsa su bos i tera ta krem.

Éksodo 19:18

Sinai tabata tur tapá ku huma, komo SEÑOR a baha den un kandela riba e seru. Huma di e kandela tabata bai laria manera huma for di un fòrnu. Henter e seru tabata sakudí hopi.

Revelashon 20:11

E ora ei mi a mira un trono grandi koló blanku i Esun ku tabata sintá riba dje. Tera i shelu a hui p'E i no a bolbe mira nan mas.

Mateo 28:2

Diripiente tabatin un temblor pisá, pasobra un angel di Señor a baha for di shelu, lora e piedra kita for di entrada i kai sinta riba dje.

Mateo 27:51

Mesora e kortina den tèmpel a sker na dos, di ariba te abou. Tera a sakudí i baranka a sker.

Revelashon 6:14

Shelu mes a disparsé manera ta lora un ròl, i tur seru i isla a ranka kita for di nan lugá.

Salmo 18:7

Kaba tera a sakudí i a kuminsá krak, fundeshi di serunan a tambaliá, nan a tembla pasobra El a baha su rabia.

Isaías 5:25

En bista di tur esei SEÑOR su ira ta lanta kontra su pueblo. E ta menasá ku su man i ta baha pisá riba nan. Serunan ta sakudí, kadavernan ta bentá riba kaya manera sushi. Sinembargo su rabia no ta plakia, su man ta keda na laria ta menasá.

Isaías 24:1

Ata SEÑOR ta bini pa destruí i bari mundu, daña mundu su kara i plama su habitantenan.

Isaías 24:20

Manera buraché e ta zeilu, zuai bai bini manera chosa den bientu. E ta doblá bou di karga di kulpa, e ta kai, sin por lanta mas.

Yoel 2:10

Na nan yegada tera ta tembla, shelu ta trel, solo i luna ta bira skur, streanan ta pèrdè nan splendor.

Zakarías 4:7

No ta importá ken bo ta, seru grandi, ora Zerubabel yega bo ta bira un sabana. Lo e karga e último piedra trese bou di gritu di húbilo: Esta presioso, esta presioso.” ’

Malakías 4:1

E dia ei ta yega sigur i lo ta komo si fuera un fòrnu ta sendé. E ora ei esnan ku ta tuma un aktitut arogante Mi dilanti i esnan ku ta hasi maldat, lo kima manera bagas e dia ei,’ SEÑOR di universo ta bisa. ‘Nan lo kima ku rais i taki kaba na nada.

Job 9:5

Dios ta sakudí serunan sin atvertí, E ta basha nan abou den su rabia.

Job 26:11

Ora Dios menasá, serunan ta tembla di miedu, serunan manera pilá ku ta karga shelu.

Salmo 18:8

Fo'i su nanishi a sali huma bai ariba, un kandela golos a brota fo'i su boka, El a saka karbon sendé kòrá kòrá.

Salmo 104:32

Si E wak tera, esaki ta tembla, k'E toka serunan, nan ta saka huma.

Yeremías 10:10

Pero ta SEÑOR so ta berdaderamente Dios, E ta e Dios bibu, E ta Rei den tur eternidat i pa tur siglo ku ta bini. Ora E ta rabiá, mundu ta tembla, niun pueblo no por ku su ira.

Ezekiel 38:20

Di miedu pa Mi tur kos lo tembla: piskánan den laman, paranan den laria, tur bestia, grandi i chikitu, tur hende na mundu. Serunan lo basha bini abou, partinan di baranka lo kibra, niun muraya no ta keda para.

Amos 9:5

Dios ta SEÑOR, Soberano di mundu: E ta mishi ku mundu i mundu ta dirti, tera ta subi baha manera awa di Nilo, riu di Egipto, i tur kaminda hende ta yora morto.