Mateo 7:7 - Papiamentu Bible 2013

⁷ Pidi i boso lo risibí; buska i boso lo haña; bati i porta lo habri pa boso.

Beibel na Papiamentu Koriente 2013

⁷ Pidi i boso lo risibí; buska i boso lo haña; bati i porta lo habri pa boso.

Mateo 7:7 Referans Kwoze

Mateo 21:22

Si boso konfia, boso lo risibí tur loke boso pidi den orashon.’

1 Huan 3:22

i nos ta haña tur kos ku nos pidiÉ, pasobra nos ta obedesé su mandamentunan i ta hasi loke ta agrad'É.

Huan 15:7

Si boso keda den Mi i mi palabranan keda den boso, pidi e ora ei loke boso ke i boso ta hañ'é.

Marko 11:24

P'esei Mi ta bisa boso: Tur loke boso resa pidi p'e, kere ku boso a hañ'é kaba, boso lo hañ'é tambe.

Yeremías 33:3

‘Yama Mi i Mi ta rospondé! Lo Mi konta bo di kosnan grandi, insondabel, kosnan ku bo no sa ni por sa di dje tampoko.

Mateo 6:33

Buska reino di Dios i buska pa hasi su boluntat promé i boso ta haña tur e sobrá kosnan akí aserka.

Mateo 7:8

Pasobra ken ku pidi, lo risibí; ken ku buska, lo haña; i ken ku bati, porta lo habri p'e.

Huan 15:16

No ta boso a skohe Mi, ma ta Ami a skohe boso i Mi a apuntá boso pa bai i karga hopi fruta; fruta ku ta keda. Loke boso pidi Tata den mi nòmber, E ta duna boso.

Hebreonan 11:6

Si un hende no ta kere den Dios, ta imposibel pa e hasi loke Dios ke. Pasobra es ku ke bai serka Dios, mester kere ku E ta eksistí i ku E ta rekompensá esnan ku ta busk'É.

Proverbionan 8:17

Mi ta stima esnan ku ta stima mi, i esnan ku buska mi lo haña mi.

Salmo 10:17

SEÑOR, Bo ta skucha deseo di humildenan, duna nan balor, hasi kaso di nan.

Huan 4:10

Hesus a kontestá e muhé: ‘Si bo tabata konosé e don ku Dios ta duna i tabata sa ken ta pidi bo un poko awa pa bebe, abo lo a pidiÉ awa i lo El a duna bo awa ku ta duna bida!’

Mateo 18:19

Mi ta sigurá boso tambe: si dos di boso resa di akuerdo ku otro pa kiko ku ta aki na tera, mi Tata ku ta den shelu, lo hasié pa boso.

Amos 5:4

SEÑOR ta bisa hendenan di Israel: ‘Bini serka Mi i boso lo keda na bida.

Hakobo 5:15

I e petishon ei, hasí ku fe, ta kura e hende malu; Señor ta lant'é i si el a hasi piká, Señor lo pordon'é.

Salmo 27:8

Bo di — mi kurason ta ripitié —: ‘Buska mi Kara.’ Bo Kara mes mi ke buska, SEÑOR!

Lukas 18:1

Hesus a konta su disipelnan un parábola pa siña nan ku nan mester resa semper, sin deskurashá.

Mateo 7:11

Ke men, si asta boso ku ta mal hende sa di duna boso yunan kos bon, kuantu mas antó boso Tata den shelu lo no duna kos bon na esnan ku pidiÉ?

Salmo 50:15

Si e ora ei bo yama Mi den apuro, lo Mi libra bo i abo lo honra Mi.’

E kanto di tur kanto 3:2

Mi mester lanta pa kana pasa den siudat, den kaya- i riba plenchinan, pa buska i buska e amor di mi bida, sin ku mi por hañ'é!

Romanonan 2:7

Esnan ku ta sigui perseverá den loke ta bon i ta buska gloria, honor i bida ku no ta kaba nunka, Dios lo duna bida eterno.

Salmo 119:12

SEÑOR, bendishoná Bo mester ta, siña mi bo leinan.

Salmo 86:5

Bo ta bon, Señor, i kla pa pordoná, yen di klemensia pa esnan ku ta invoká Bo.

Salmo 70:4

Mare esnan ku ta buska Bo por gosa i haña nan legria den Bo i esun ku deseá pa Bo salb'é bisa: ‘SEÑOR ta grandi!’

Salmo 69:32

Ripará, humildenan, i legra; boso ku ta buska Dios, boso kurason por kohe ánimo.

1 Reinan 3:5

Un anochi na Guibeon SEÑOR a aparesé n'e den un soño i bis'é: ‘Pidi loke bo ke, i lo Mi duna bo e.’

Salmo 10:4

E pekadó, arogante, no ta maha ku Dios; ‘Ai nò, no tin Dios,’ nada mas e no ta pensa.

Romanonan 3:11

No tin niun ku komprondementu; niun ku ta buska Dios.

Lukas 13:25

For di momento ku doño di kas lanta sera porta, boso tin ku keda pafó. Boso ta bati riba e porta i grita: “Señor, habri porta!” i lo E kontestá: “Mi no konosé boso. Di unda boso a bini?”

Salmo 34:4

M'a akudí na SEÑOR: El a skucha mi, El a libra mi di tur mi temornan.

Salmo 37:4

Buska bo goso den SEÑOR i l'E duna bo tur loke bo kurason por deseá.

Isaías 30:19

Pueblo di Sion, bibá na Herusalèm, boso lo no yora mas. Si boso pidi SEÑOR yudansa, l'E tene kompashon ku boso. Pareu k'E tende boso grita, l'E rospondé boso.

Génesis 26:32

E mes dia ei e sirbidónan di Isak a bin bis'é ku ora nan tabata koba pos nan a haña awa.