Mateo 5:6 - Papiamentu Bible 2013

⁶ Felis esnan ku hamber i set pa hustisia; Dios lo satisfasé nan.

Beibel na Papiamentu Koriente 2013

⁶ Felis esnan ku hamber i set pa hustisia; Dios lo satisfasé nan.

Mateo 5:6 Referans Kwoze

Huan 4:14

ma es ku bebe for di e awa ku Ami dun'é, lo no haña set nunka mas. E awa ku Ami dun'é lo bira manera un fuente di awa ku ta brota i kore pa duna bida eterno.’

Salmo 107:9

Hende ku set El a duna di bebe, hende ku hamber El a kolma ku su biennan.

Huan 6:27

No traha pa kuminda ku ta kaba na nada, ma pa kuminda ku ta keda i ta duna bida eterno. Esei ta loke Yu di hende ta duna boso; pasobra ta riba djE, Tata, Dios mes, a pone su seyo.’

Salmo 145:19

E ta kumpli ku deseo di su fielnan, E ta tende nan gritu i ta salba nan.

Huan 7:37

E último dia di fiesta di Ramada, esta e dia di mas importante, Hesus a lanta para bisa na bos altu: ‘Esun ku tin set, mester bin bebe serka Mi.

Revelashon 7:16

Nunka mas nan lo no sufri ni hamber ni set, solo lo no kima nan, kalor lo no tormentá nan,

Lukas 6:21

Felis boso ku tin hamber awor akí; boso barika lo ta yená. Felis boso ku ta yora awor akí; boso lo hari.

Isaías 44:3

Pasobra Mi ta bai basha áwaseru riba e tera, morto di set, Mi ta bai laga roinan kore riba suela seku. Mi ta bai bendishoná bo yu- i desendientenan i basha mi Spiritu riba nan.

Lukas 1:53

El a duna esnan ku tin hamber kos bon na abundansia i kore ku esnan riku, laga nan bai man bashí.

Isaías 65:13

P'esei, skucha loke Ami, SEÑOR boso Dios, ta anunsiá: Miéntras boso ta muri di hamber, mi sirbidónan sí lo tin kuminda na abundansia. Miéntras boso ta muri di set, mi sirbidónan sí lo tin ko'i bebe. Miéntras boso ta yen di bèrgwensa, mi sirbidónan lo grita di alegria.

Salmo 65:4

Felis t'esun ku Bo ta skohe i yama pa biba den bo kortenan; yena nos ku e biennan di bo kas, ku santidat di bo tèmpel.

Isaías 25:6

Riba seru di Sion SEÑOR soberano ta pone un komementu pa tur pueblo: kuminda sabroso i biña ekskisito, karni di mas fini, biña ku añanan a hecha.

Salmo 84:2

Mi alma ta muri di anhelo pa plenchinan di tèmpel di SEÑOR; mi kurason, sí, tur mi ser ta grita di deseo pa Dios bibu.

Lukas 6:25

Ai di boso ku ta kana ku barika yen, boso lo pasa hamber! Ai di boso ku awor akí ta hari, boso lo tene rou i yora!

Isaías 41:17

Ora hende mizerabel i pober buska awa, i no tin, ora lenga bira rans di set, Ami, SEÑOR, lo skucha nan; Ami, e Dios di Israel, lo no bandoná nan.

Salmo 63:5

yena mi alma ku kuminda di mas riku i ku mi boka hubilá i alabá Bo.

Salmo 17:15

Ma ami, hende hustu, lo mira bo Kara i lo ta yen di bo presensia, ora mi spièrta.

E kanto di tur kanto 5:1

Mi ta biniendo mi hardin, serka bo, mi ruman dushi, mi prometida. Ei mi ta piki mi mira i yerb'i hole, mi ta kome mi miel di abeha ku panal ku tur, ei mi ta bebe mi biña i lechi. Amigunan, kome, amantenan, bebe, bebe bira fuma!

Isaías 66:11

Boso lo bebe te sasia di e konsuelo ku e ta duna, manera ora mama ta duna yu lechi i e yu ta chupa golos golos na su pechu abundante.

Proverbionan 10:24

Loke mal hende tin miedu di dje, ta sosodé kuné, pero loke hende hustu deseá ta bira realidat.

Proverbionan 21:21

Es ku kore tras di hustisia i amor, lo haña bida berdadero, hustisia i honor.

Yeremías 31:25

Ken ku ta rendí, Mi ta duna di bebe, ken ku ta morto di hamber, Mi ta duna di kome.’