Mateo 4:3 - Papiamentu Bible 2013

³ E tentadó a bini serka djE i bis'É: ‘Si Bo ta Yu di Dios, manda e piedranan ei bira pan!’

Beibel na Papiamentu Koriente 2013

³ E tentadó a bini serka djE i bis'É: ‘Si Bo ta Yu di Dios, manda e piedranan ei bira pan!’

Mateo 4:3 Referans Kwoze

1 Tesalonisensenan 3:5

P'esei ami personalmente, ora mi no por a wanta mas, a manda informá kon ta bai ku boso fe. Mi tabatin miedu pa e tentadó no laga boso kai den tentashon i laga nos trabou resultá enbano.

Revelashon 2:10

No tene miedu di e sufrimentu ku ta warda boso. Tende, diabel lo pone algun di boso den prizòn, pa pone boso na prueba. Lo oprimí boso dies dia largu. Pero sea fiel te na morto, e ora ei lo Mi duna boso bida komo rekompensa.

Mateo 3:17

A zona un stèm for di shelu: ‘E ta mi Yu stimá; E ta legria di mi kurason.’

Hebreonan 12:16

Tene kuidou pa niun hende no kometé inmoralidat seksual ni ta indiferente pa kosnan sagrado, manera Esou, ku pa un solo kuminda a bende su derechonan di yu mayó.

Éksodo 16:3

E israelitanan a bisa nan: ‘Mihó SEÑOR a laga nos muri na Egipto! Aya nos tabata kome nos barika yen; tabatin wea yen di karni i sufisiente pan. Boso a trese nos aki den desierto pa laga henter komunidat muri di hamber.’

Echonan 9:20

El a bai bishitá e snoanan mesora i a kuminsá prediká ku Hesus ta Yu di Dios.

Lukas 4:9

Despues diabel a bai Herusalèm kunÉ i a pon'É riba e punta di mas altu di tèmpel. El a bisa Hesus: ‘Si Bo ta Yu di Dios, bula abou for di aki,

Lukas 4:3

Diabel a bini serka djE i bis'É: ‘Si Bo ta Yu di Dios, bisa e piedra ei bira pan!’

Mateo 14:33

E disipelnan den e boto a hinka rudia p'E i bisa: ‘Enberdat, Abo ta Yu di Dios.’

Mateo 16:16

Simon Pedro a kontestá: ‘Bo ta Mesias, e Yu di Dios Bibu!’

Mateo 26:63

Hesus a keda ketu. Gransaserdote a bis'É: ‘Den nòmber di Dios bibu, mi ta pone bo bou di huramentu: Bisa nos: ta abo ta Mesias, e Yu di Dios?’

Marko 1:1

Kuminsamentu di e bon notisia tokante Hesu-Kristu, e Yu di Dios.

Marko 3:11

Ki ora ku e mal spiritunan mir'É, nan tabata benta nan kurpa abou na suela i grita: ‘Abo ta e Yu di Dios.’

Marko 5:7

i dal un gritu duru. El a bisa: ‘Abo Hesus, Yu di Dios Altísimo, ta kiko Bo ke di mi? Por Dios, no tormentá mi!’

Lukas 1:35

E ora ei e angel a kontest'é: ‘Spiritu Santu lo baha riba bo i poder di Altísimo lo tapa bo manera un sombra. P'esei e yu ku lo bo trese na mundu lo ta santu i nan lo yam'é “Yu di Dios”.

Lukas 4:41

For di hopi hende demoño tabata sali; nan tabata grita: ‘Abo ta Yu di Dios!’ Hesus tabata skual e demoñonan; E no tabata laga nan papia, pasobra nan tabata sa ku E tabata e Mesias.

Lukas 22:70

Nan tur a rospond'É: ‘Ke men, ta abo ta Yu di Dios antó?’ Hesus a bisa nan: ‘Ta boso mes ta bisa ku Mi ta!’

Huan 1:34

Anto ami, ku a mira loke a sosodé, ta testiguá ku t'É ta e Yu di Dios!’

Huan 1:49

‘Rabi,’ Natanaèl a kontestá, ‘Bo ta e Yu di Dios; t'Abo ta rei di Israel!’

Huan 9:35

Ora Hesus a tende ku nan a kore ku e hòmber ku tabata siegu, El a busk'é i bis'é: ‘Bo ta kere den Yu di hende?’

Huan 20:31

Ma e kosnan skibí aki den ta skibí pa boso kere ku Hesus ta e Mesias, Yu di Dios, i pa medio di boso fe, boso haña bida den su nòmber.

2 Korintionan 1:19

Pasobra Hesu-Kristu, Yu di Dios, ku ami, Timoteo i Silas a prediká na boso, no ta ‘sí’ ku ‘nò’ pareu. Al kontrario, den djE Dios a duna su ‘sí’.

Galatanan 2:20

i ya no ta ami mes ta biba, pero ta Kristu ta biba den mi. E bida ku mi ta biba awor akí den e kurpa akí, mi ta biba pa medio di fe den Yu di Dios, ku a mustra mi su amor i a entregá su bida pa mi.

Hebreonan 4:14

Laga nos tene duru na e fe ku nos ta profesá. Pasobra nos tin un gransaserdote elevá, esta Hesus, Yu di Dios, ku a drenta shelu yega te serka Dios.

Hebreonan 7:3

No sa nada di su tata i mama, ni di su desendensia, ni di kuminsamentu òf fin di su bida. E ta meskos ku Yu di Dios: un saserdote pa semper.

1 Huan 3:8

Esun ku sigui den piká ta pertenesé na diabel, pasobra ta for di kuminsamentu di mundu kaba diabel a bini ta peka. Anto ta pa destruí diabel su obranan mes Hesus a bini.