Mateo 4:2 - Papiamentu Bible 2013

² Despues di a yuna kuarenta dia largu, Hesus a haña hamber.

Beibel na Papiamentu Koriente 2013

² Despues di a yuna kuarenta dia largu, Hesus a haña hamber.

Mateo 4:2 Referans Kwoze

Deuteronomio 9:18

Kaba mi a tira mi kurpa abou dilanti di SEÑOR manera e promé bia. Kuarenta dia i kuarenta nochi mi a keda ku mi kurpa tirá abou, sin kome òf bebe nada pa motibu di e kantidat grandi di boso piká. Boso a hasi loke ta malu den bista di SEÑOR, boso a provok'é.

1 Reinan 19:8

Elías a lanta, kome i bebe; e kuminda akí a dun'é forsa pa kana 40 dia i 40 nochi te yega Horeb, e seru di Dios.

Éksodo 34:28

Moises a keda kuarenta dia i kuarenta nochi serka SEÑOR. E no a kome pan ni a bebe awa. El a skibi e palabranan di e aliansa, e dies mandamentunan, riba e tablanan.

Lukas 4:2

Ei diabel a purba lag'É kai den tentashon durante kuarenta dia largu. E no a kome nada durante e dianan ei i na final El a haña hamber.

Deuteronomio 9:9

Tabata tempu mi a subi seru pa bai tuma e tablanan di e aliansa ku SEÑOR a sera ku boso. Mi a keda kuarenta dia i kuarenta nochi riba e seru, sin kome òf bebe nada.

Deuteronomio 9:25

Mi a keda e tempu ei antó kuarenta dia i kuarenta nochi tirá abou den orashon dilanti di SEÑOR — pasobra El a bisa ku lo E kaba ku boso.

Éksodo 24:18

Moises a drenta den e nubia i a sigui subi e seru. El a keda kuarenta dia i kuarenta nochi riba e seru.

Huan 4:6

Ei tabatin e pos di Yakob i Hesus ku tabata kansá di biaha, a kai sinta banda di e pos; tabata banda di diesdos or di mèrdia.

Marko 11:12

Su manisé ora nan a bini for di Betania, Hesus a haña hamber.

Deuteronomio 18:18

Lo Mi laga un profeta meskos ku bo lanta pa nan, un hende for di nan mes pueblo. Lo Mi pone mi palabranan den su boka i lo e bisa nan loke Mi orden'é.

Mateo 21:18

Su manisé trempan ora Hesus a bolbe Herusalèm, El a haña hamber.

Mateo 25:35

Pasobra Mi tabatin hamber i boso a duna Mi di kome; Mi tabatin set i boso a duna Mi di bebe. Mi tabata un strañero i boso a risibí Mi den boso kas.

Mateo 25:42

Pasobra Mi tabatin hamber i boso no a duna Mi di kome; Mi tabatin set i boso no a duna Mi di bebe.