Mateo 27:52 - Papiamentu Bible 2013

⁵² Graf a habri i hopi kreyente ku a muri a biba bèk.

Beibel na Papiamentu Koriente 2013

⁵² Graf a habri i hopi kreyente ku a muri a biba bèk.

Mateo 27:52 Referans Kwoze

Isaías 26:19

SEÑOR, bo mortonan lo bolbe biba, kadavernan di mi pueblo lo lanta atrobe. Boso tur, drumí bou 'i tera, spièrta i grita di alegria. E serena ku ta tapa boso ta yená ku lus. P'esei tera ta debolbé su mortonan.

1 Tesalonisensenan 4:14

Nos ta kere ku Hesus a muri i lanta for di morto, i asina nos ta kere tambe ku ora E bini bèk, esnan ku a muri ku fe den djE, lo lanta fo'i morto i ku Dios lo tuma nan for di riba mundu huntu ku Hesus.

1 Korintionan 15:20

Pero en realidat Kristu a lanta fo'i morto komo Esun promé di e mortonan.

Daniel 12:2

Hopi di esnan ku ta sosegá den graf, lo lanta; algun di nan pa biba te den eternidat, algun otro pa ta despresiá i detestá pa semper.

Isaías 25:8

Señor Dios ta mata Lamuèrtè pa semper, E ta seka lágrima na wowo di tur hende, E ta kita e bèrgwensa ku su pueblo a pasa den mundu henter. T'esei SEÑOR mes a primintí.

1 Tesalonisensenan 5:10

T'É a muri pa nos, pa nos por biba huntu kunÉ, sea ku nos ta na bida òf den soño di morto.

1 Korintionan 15:51

Pero mi ke konta boso un sekreto revelá pa Dios: no ta nos tur ta muri, pero nos tur lo transformá sí,

Hoséas 13:14

Lo Mi a liberá nan e ora ei for di reino di morto, salba nan for di poder di Lamuèrtè? Lamuèrtè, unda bo pèst ta keda? Reino di morto, unda bo plaganan ta keda? Mi no sa mas kiko ta duele.

1 Korintionan 11:30

P'esei mes hopi di boso ta malu i débil i tin algun a fayesé!

Echonan 7:60

El a kai na rudia i bisa na bos altu: ‘Señor, no pidi nan rindi kuenta pa e piká akí.’ I ku e palabranan ei el a muri.

2 Reinan 13:21

Un dia ora tabata dera un hende, ata un trupa di moabita tabata bini. Lihé lihé e hendenan a pone e morto den graf di Eliseo i a kore bai. Pero asina e morto a bini den kontakto ku restunan di Eliseo, el a resusitá i lanta para.

Huan 11:11

Hesus a agregá na loke El a kaba di bisa: ‘Nos amigu Lázaro a bai sosegá, ma Ami ta bai lant'é.’