Mateo 26:63 - Papiamentu Bible 2013

⁶³ Hesus a keda ketu. Gransaserdote a bis'É: ‘Den nòmber di Dios bibu, mi ta pone bo bou di huramentu: Bisa nos: ta abo ta Mesias, e Yu di Dios?’

Beibel na Papiamentu Koriente 2013

⁶³ Hesus a keda ketu. Gransaserdote a bis'É: ‘Den nòmber di Dios bibu, mi ta pone bo bou di huramentu: Bisa nos: ta abo ta Mesias, e Yu di Dios?’

Mateo 26:63 Referans Kwoze

Levítiko 5:1

Den e siguiente kasonan un israelita mester hasi un ofrenda pa pordon di su piká: Ora hues hasi un yamada ofisial pa testiguá den un kaso i un hende nenga di deklará na hues loke el a mira òf a haña sa, e ta hasi piká i e mester paga p'e.

Mateo 16:16

Simon Pedro a kontestá: ‘Bo ta Mesias, e Yu di Dios Bibu!’

Isaías 53:7

El a laga nan maltrat'é i humili'é sin protestá, sin papia un pi'e palabra, ketu manera un lamchi hibá matadero, sin habri su boka manera karné den man di feitadó.

Mateo 27:12

Tanten e saserdotenan importante i e ansianonan tabata akus'É, E no a kontestá nada.

1 Samuel 14:26

Ora ku nan a drenta e mondi, nan a mira kon e miel tabata kore abou na suela, pero ningun di nan ni sikiera a purb'é, pasobra nan tabatin miedu di e huramentu.

Huan 20:31

Ma e kosnan skibí aki den ta skibí pa boso kere ku Hesus ta e Mesias, Yu di Dios, i pa medio di boso fe, boso haña bida den su nòmber.

Huan 19:9

El a drenta bèk den e residensia prinsipal i puntra Hesus: ‘Di unda bo ta bini?’ Ma Hesus no a dun'é kontesta.

Huan 19:7

E hendenan a kontestá: ‘Nos tin un lei i segun e lei ei e mester muri, pasobra el a pretendé di ta Yu di Dios!’

Huan 18:37

Pilato a bis'É: ‘Ke men, tòg bo ta rei antó?’ Hesus a kontest'é: ‘Manera bo di: Mi ta rei. Mi a nase i a bini na mundu pa un motibu: pa testiguá na fabor di bèrdat. Tur hende ku ta pertenesé na bèrdat ta skucha mi stèm.’

Huan 10:36

Awor kon boso ke bin bisa Ami, Esun ku Tata a konsagrá i manda bini mundu: “Bo ta blasfemá Dios”, pasobra Mi a bisa: “Mi ta Dios su Yu”?

Huan 10:30

Ami ku mi Tata ta un!’

Huan 10:24

E pueblo a rondon'É i puntr'É: ‘Pa kuantu tempu mas, Bo ta laga nos den suspenso? Si ta Bo ta e Mesias, bisa nos esei bon kla!’

Huan 8:25

E ora ei nan a puntr'É: ‘Ma ta ken bo ta antó?’ El a rospondé nan: ‘Mi a bisa boso esei na kuminsamentu kaba.

Huan 6:69

Nos ta kere i nos a haña sa tambe ku Abo ta e Santu di Dios.’

Huan 1:49

‘Rabi,’ Natanaèl a kontestá, ‘Bo ta e Yu di Dios; t'Abo ta rei di Israel!’

Huan 1:34

Anto ami, ku a mira loke a sosodé, ta testiguá ku t'É ta e Yu di Dios!’

Marko 14:61

Hesus a keda ketu; E no a rospondé niun pia di palabra. Gransaserdote a bolbe papia kunÉ, el a puntr'É: ‘Ta abo ta Mesias, Yu di Esun Bendishoná?’

Mateo 27:54

Ora e kapitan romano i esnan ku tabata vigilá Hesus huntu kuné a sinti e temblor i a mira loke a pasa, nan tabata morto spantá i nan a bisa: ‘Enberdat e hòmber akí ta Yu di Dios!’

Mateo 27:43

E ta konfia den Dios; wèl laga Dios salb'é awor, si Dios ke. E no a bisa: “Mi ta Yu di Dios?”’

Mateo 27:40

nan tabata bisa: ‘Abo ku ker a destruí tèmpel i konstruyé den tres dia, salba bo mes, si bo ta Yu di Dios, i baha for di krus!’

Mateo 27:14

I pa su gran asombro, Hesus no a kontestá niun pia di palabra.

Daniel 3:16

Shadrak, Meshak i Abed-Nego a kontestá: ‘Mihó nos no diskutí riba e asuntu akí.

Proverbionan 29:24

Kómplise di un ladron ta enemigu di su mes, pasobra ounke e ta tende maldishon, e n' ta duna boka.

2 Krónikanan 18:15

Pero rei a bisa Mikas: ‘Kuantu bia mi mester hura bo ku ta bèrdat so bo mester papia den nòmber di SEÑOR!’

1 Reinan 22:16

Pero rei a bisa Mikéas: ‘Kuantu bia mi mester hura bo ku ta bèrdat so bo mester papia den nòmber di SEÑOR!’

1 Samuel 14:28

E ora ei un di e sòldánan israelita a bis'é: ‘Bo tata a pone e ehérsito bou di huramentu i el a bisa ku esun ku kome awe lo ta maldishoná. Ta p'esei e hendenan ta morto kansá.’

1 Pedro 2:23

Ora nan a insult'É, E no a insultá nan bèk; ora nan a pon'É sufri, E no a menasá nan, sino a entregá su mes den man di Dios ku ta e Hues hustu.

1 Samuel 14:24

Ora e israelitanan tabata den pèrtá e dia ei, Saul a pone henter e pueblo bou di huramentu ku e siguiente palabranan: ‘Esun ku kome algu promé ku atardi sera, promé ku mi tuma vengansa kontra mi enemigunan, lo ta maldishoná.’ P'esei ningun di e sòldánan no a kome nada.

Salmo 42:2

Mi alma tin set di Dios, di Dios bibu. Ki dia mi por bai i lo mi mira kara di Dios?

Mateo 4:3

E tentadó a bini serka djE i bis'É: ‘Si Bo ta Yu di Dios, manda e piedranan ei bira pan!’

Mateo 26:62

Gransaserdote a lanta para puntra Hesus: ‘Bo no tin nada di bisa? Ta ki e kosnan akí ku nan ta akusá bo di dje?’

2 Korintionan 1:19

Pasobra Hesu-Kristu, Yu di Dios, ku ami, Timoteo i Silas a prediká na boso, no ta ‘sí’ ku ‘nò’ pareu. Al kontrario, den djE Dios a duna su ‘sí’.