Mateo 20:21 - Papiamentu Bible 2013

²¹ Hesus a bis'é: ‘Kiko bo ke?’ E ora ei, e mama a bis'É: ‘Duna òrdu pa e dos yu hòmbernan di mi akí sinta huntu ku bo den bo reino: un na bo man drechi, e otro na bo man robes.’

Beibel na Papiamentu Koriente 2013

²¹ Hesus a bis'é: ‘Kiko bo ke?’ E ora ei, e mama a bis'É: ‘Duna òrdu pa e dos yu hòmbernan di mi akí sinta huntu ku bo den bo reino: un na bo man drechi, e otro na bo man robes.’

Mateo 20:21 Referans Kwoze

Mateo 19:28

Hesus a kontestá nan: ‘Mi ta sigurá boso: Den e era nobo, ora Yu di hende sinta riba su trono glorioso, boso ku ta mi siguidó lo sinta riba diesdos trono pa husga e diesdos tribunan di Israel.

Ester 5:3

Rei a puntr'é: ‘Kiko falta reina Ester; kiko bo ta deseá? Si ta mitar di mi reino mes bo pidi mi, bo ta hañ'é.’

Mateo 18:1

Den e tempu ei, e disipelnan a aserká Hesus i bis'É: ‘Ken ta mas importante den reino di shelu?’

Salmo 110:1

SEÑOR a bisa mi shon: ‘Sinta bo aki na mi man drechi, miéntras Mi ta hasi bo enemigunan un banki pa bo pia sosegá.’

Echonan 1:6

Esnan ku tabat'ei a puntr'É: ‘Señor, awor Bo ta bai restourá e reino pa Israel?’

Marko 6:22

E yu muhé di Heródias a drenta presentá un baile ku a deleitá Heródes i su invitadonan. E ora ei Heródes a bisa e hobensita: ‘Lo mi duna bo kiko ku bo pidi mi.’

Mateo 20:32

Hesus a keda para i yama nan. El a puntra nan: ‘Kiko boso ke pa Mi hasi pa boso?’

1 Reinan 3:5

Un anochi na Guibeon SEÑOR a aparesé n'e den un soño i bis'é: ‘Pidi loke bo ke, i lo Mi duna bo e.’

Kolosensenan 3:1

Unabes ku boso a lanta for di morto huntu ku Kristu, dirigí boso bida riba loke ta den shelu, kaminda E ta sintá na man drechi di Dios.

Romanonan 12:10

Stima otro di kurason, ku amor di ruman i sea esun promé pa respetá otro.

Huan 15:7

Si boso keda den Mi i mi palabranan keda den boso, pidi e ora ei loke boso ke i boso ta hañ'é.

Lukas 22:24

Disipelnan a kuminsá pleita tambe tokante kua di nan tabata mas importante.

Lukas 19:11

Miéntras e pueblo tabata skucha, Hesus a konta nan un parábola mas, pasobra E tabata serka di yega Herusalèm i e hendenan tabata pensa ku awor sí reino di Dios tabata bini mesora.

Lukas 18:41

El a puntr'é: ‘Kiko bo ke pa Mi hasi pa bo?’ E siegu a kontestá: ‘Señor, laga mi mira atrobe.’

Marko 10:51

Hesus a puntr'É: ‘Kiko bo ke pa Mi hasi pa bo?’ Bartimeo a kontestá: ‘Maestro, laga mi mira atrobe.’

Yeremías 45:5

Akaso ábo ta pretendé ku bo meresé un trato preferensial? Lubidá, pasobra e desasternan ku Mi ta bai okashoná, lo baha riba tur ser bibu. Pero Ami, SEÑOR, ke bisa bo un kos so: Unda ku bo bai, lo bo no pèrdè bo bida sí.” ’

Salmo 45:9

Denter di damanan di korte tin prinsesa, na bo man drechi bo esposa, dòrná ku oro di Ofir.

Romanonan 8:34

Ken lo riska kondená nan? Niun hende! Kristu-Hesus ta e úniko hende ku no solamente a muri, pero tambe a lanta for di morto pa nan. E ta Esun ku ta sintá na man drechi di Dios i ta intersedé pa nos!

1 Reinan 2:19

Ora Bat-Shèba a drenta den kuartu di rei Salomon, pa papia kuné riba e asuntu di Adonías, rei a lanta pa risibí su mama i a bùig su dilanti. Despues el a bolbe bai sinta riba trono i a duna òrdu pa nan trese un stul pa e mama; e mama a kai sinta na su man drechi

Marko 16:19

A tuma Hesus den shelu despues ku El a kaba di papia ku nan i El a bai sinta na man drechi di Dios.

Mateo 20:22

Hesus a bisa nan: ‘Boso no sa loke boso ta pidi! Boso por bebe e kopa di sufrimentu ku Ami ta bai bebe?’ ‘Sí, nos por,’ nan a kontest'É.